Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dye hystorien ende fabulen van Esopus (2013)

Informatie terzijde

Titelpagina van Dye hystorien ende fabulen van Esopus
Afbeelding van Dye hystorien ende fabulen van EsopusToon afbeelding van titelpagina van Dye hystorien ende fabulen van Esopus

  • Verantwoording
  • Inhoudsopgave

Downloads

PDF van tekst (23.04 MB)

ebook (27.60 MB)

XML (0.82 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dye hystorien ende fabulen van Esopus

(2013)–Gheraert Leeu–rechtenstatus Auteursrechtelijk beschermd

Vorige Volgende

§ (147) Die .vi. fabule is vanden voghelen ende vanden lantman |



illustratie

[10] EEn lantman hadde een costelic prijeel met claren riuierkens daer om lopende seer | verciert mit crude ende bloemen mits dien quamen daer dicwel voghelen Dese lant | man op een tijt zeer vermoeyt sijnde van arbeyden is om hem te vermaken ghegaen int prij | eel. ende is gheseten onder eenen appelboom op den welcken een cleyn voghelken seer sue | telic singhende was. doen de lantman hoorde zo ghenoechliken singen heeft hi dit vo- | [15] ghelken bedrogen metten stricke ende heuet vaste ghehouden. tvoghelken seyde totten | lantman Waerom hebt ghi so seer ghearbeit om mi te vangen ghemerct dat ghi geen | ghewin oft oerboer van mi gheuangen en cont ghecrigen Die lantman seide Daeromme | hebbe ic v gheuangen om dat uwen sueten sanc mijn herte seer verblijden soude Tvogel | ken seyde. zo hebt ghi te vergheefs ghearbeyt want noch om bidden noch om prijs | [20] oft goet en sal ic v singhen Hi seyde Ten sij dat ghi singhet ic sal v eten Tvogelken sei | de Hoe sult ghi mi eten. eest dat ghi mij siedet int water ic ben een cleyn stucxken welc | swelghende ghi nauwe ghevoelen en sult. eest dat ghi mij bradet ic sal noch minder | werden. maer eest dat ghi mij laet vliegen ghi sult groote oerboerlicheyt van mi cri | ghen want ic sal v gheuen drie leeringhen van wijsheyden die ghi lieuer sult hebben |

[Folio M3r]
[fol. M3r]

dan tvleesch van drye calueren Doen dit voghelken den lantman dit belouede | soe heeft hi dat laten wech vlieghen Dat volghelken seyde. die eerste leeringe | es dat ghij niet ghelouen en sult al datmen seyt sonderlinge dat der waerheyt | niet wel en ghelijct Die tweede dat v toebehoert sult ghi wel verwaren Die der | [5] de om verloren dinghen die ghi niet weder en condt ghecrighen en sult ghi niet droe- | ue sijn Dat voghelkijn dit gheseyt hebbende is gheuloghen opten boom ende heeft | ghesonghen dit ghebet Ghebenedijt es god die dees lantmans sinnen verdonckert | ende sijn voersinnicheyt afghenomen heeft. so dat hi met sinen handen niet en taste | noch met sinen ogen niet en sach. noch met redenen oft redelicheyt niet en begreep | [10] den costeliken steen iacinctus weghende een vnche die ic draghe in mijn inghe- | wandt. want hadde hi dien gheuonden hij hadde zeer rijcke gheweest ende ic en had | de leuende niet ontgaen Die lantman dat horende wart zeere ghestoert ende van | droefheden weenende seyde Wee my dat ic die bedriechlike woerden des voghel | kens ghelooft hebbe. ende dat ic niet en hielt in mijn behout dat ic gheuanghen had | [15] de Doen seyde dat voghelken O dwaes waer om sijt ghi bedruct hebt ghy soe | gheringhe vergheten die salighe leeringhe die ic v ghegheuen hebbe. meynt ghy | dat soe cleyn voghelken dat nauwe een dragma en weecht. soude hebben in sijn |

inghewant een steen van eender vnchen. en hebbe ic v niet gheleert dat ghij niet | ghelouen en soudt tghene dat der waerheyt niet wel en ghelijct ende oft ick v toe | [20] behoerde. waer om en bewaerdy ghij mij niet. ende hebt ghij mij verloren ende niet | weder en condt ghecrijghen. waer om bedroeft ghi v. teghens die leeringe die | ic v ghegheuen hebbe Dit gheseyt ende die lantman beghect ende bespot sijnde | es dat volghelken van daer gheuloghen |


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken