Kribbelkes. Gediechskes in 't Mastreechs

[p. 65]

Laote veer nao Bethlem goon.

Noe laote veer nao Bethlem goon,
Dao moot 'n hiel aaid stelke stoon.
Dao is e Keend gebore
Wat de wereld had verlore.

Sint Zjoezep veeg de snie vaan 't mos,
Me huurt d'n ezel en d'n os,
Kom goon veer same binne...
Wee wèlt 't Keend neet kinne?

Slevruike, bleikskes, bijnao wit
Die beijt dao en 't is of ze krit.
Boeveur zou zie ziech sjaome?
Al wis ze tot veer kaome.

De herderkes bejeingebrach
Door d'ingele heij in de nach,
Die stoon dao en ze beije...
Wee zou ze neet beneije?

Kom laote veer nao Bethlem goon
En bij 't stelke blieve stoon
Mesjiens veer ouch vernumme
De zingend' ing'lestumme.