Torec

(1875)–Jacob van Maerlant– rechtenstatus


XII. [Hoe Torec den roden ridder doedde.] Daventure gewaget daernaer: Doe Torec was gesceden van daer, Quam hi savons spade gereden 2815[regelnummer] Daer hem II ridders herberge deden. Ende doe si wisten wie hi was, Ende wat hi sochte, seidense na das, Dat en dietde hem niet een haer, ‘Want één wech gaet tot daer
[pagina 73]
2820[regelnummer] Ende nemmer; ende oec desen Hoden nacht ende dach II resen; Ende daer tinden staet een wout, Daer wacht den wech een ridder stout, Rogard, met X ridders fier, 2825[regelnummer] Ende es der joncfrouwen forestier. Gine mochter in gere maniren comen, Al sout u al die werelt vromen’. Ende Torec seide: ‘Wats gesciet, In liets om al die werelt niet, 2830[regelnummer] In soude die joncfrouwe varen sien’. Des margens nam hi orlof mettien, Ende es so verre gereden comen Dat hi die porte heeft vernomen, Want der resen en vant niet hier: 2835[regelnummer] Si waren metten forestier Int wout jagen, sonder waen. Dus eest Torecke wel vergaen, Want hi an die porte reet Dat hi noch en vacht no street. 2840[regelnummer] Die resen quamen vander jacht, Ende hebben enen ever bracht, Ende vonden Torec vor die porte staen. Die een ran op hem daer saen; Ende Torec dorreet den genen daer 2845[regelnummer] Ende den anderen oec daernaer, So dat si beide bleven doet. Doe reet hi met haesten groet Ter portenwaerd utermaten, Maer die portier wils niet in laten. 2850[regelnummer] Ende hierenbinnen quam daer Rogart, Die daer here was ende ward; Ende Torec bat hem herberge saen. Hi herbergeden gerne doe, sonder waen. Doe seide Torec oppenbare: 2855[regelnummer] ‘Mi ware leet dat u portenare Portier ware van hemelrike: Ic blever dan buten, sekerlike’. Dus voer hi metten waerd in. Knapen quamen int begin 2860[regelnummer] Ende ontwapenden Torec daer. Doe quam groet geruechte daernaer,
[pagina 74]
Want die jagers quamen gaende, Sere haer hande al slaende, Ende seiden haer resen waren doet. 2865[regelnummer] Doen sagen si Torec al bloet Ende seiden dat hijt hadde gedaen. Doe werd Torec ginder gevaen. Rogard vrachde hem wie hi ware. Ende hi seide doe oppenbare 2870[regelnummer] Dat hi Torec hiete, scire, Ende dat Ydor vander Baserrivire Sijn vader ware, diene wan. - ‘Ja’, sprac hi, ‘so sidi die man, Die den cyrkel soect met gewelt, 2875[regelnummer] Ende mire joncfrouwen onterven welt! Nu moetti bliven hier gevaen. Vaste legte inden kerken saen!’ Torec seide: ‘Dat ware verranesse, Leitdi mi nu in gevancnesse, 2880[regelnummer] Want gi herberget mi selve hier’. Doe quamen daer II ridders fier, Die Rogards kinder waren, Ende leitden Rogarde besiden daernaren Ende seiden: ‘Here, dit ware traisoen, 2885[regelnummer] Woudi uwen gaste dit doen; Wi soudens lachter hebben embermere. Maer herbergetten nu ende doet hem ere, Ende latten mergen henen varen; Ende wi .XV. selen hem naren 2890[regelnummer] Riden ende seelne dan vaen. Dat donct ons, here, bat gedaen’. Dit dochte den vader en goet raet. Doen toendemen Torec goet gelaet; Ende men ginc eten metter vard, 2895[regelnummer] Ende daerna gincmen te bedeward. Ende des ander dages harde vroe Stonden die .XV. op alsoe, Ende reden wech doet begonde dagen, Ende deilden hen in tween lagen. 2900[regelnummer] Ende Torec es oec opgestaen
[pagina 75]
Ende wapendem ende reet wech saen. Ende hi quam ter ere lagen saen: Si riepen op hem: ‘Gi blijft gevaen!’ Ende hi rechte doe sijn spere 2905[regelnummer] Ende reet in hen met groten gere. Hi staker enen ter eerden neder: Hi sloech metten swaerde op ende weder Ende wonder vele daer ter stat. Doe quam die ander lage nadat, 2910[regelnummer] Ende reden op hem te samene alle, So dat sine brachten daer te valle, Ende slogen sere ende vingen daer, Ende vordene den forestier daernaer, Dies blide was, ende sonder beide 2915[regelnummer] Doe in sinen kerker leide, Daer donker in was ende sere stanc. Daer lach hi .XV. dage lanc, Daer hi maer at borne ende broet. Nu hadde die rode riddere doet 2920[regelnummer] Geslegen Rogards kinder twee, Dies was den broderen herde wee, Ende spraken ten vader: ‘Wi secgen u, Wildi onsen raet doen nu, Wi werden gewroken over luut. 2925[regelnummer] Latewi desen riddere uut, Indien dat hi wilde gestaden Jegen den fellen vanden gewaden, Den roden, die onse broder sloech. Mocht hine doden dat ware ons gnoech, 2930[regelnummer] Soe warewi wel gewroken dan; Want Torec es so starken man, Hi sal den fellen verwinnen wel’. Dus ginc Rogard ende dede niet el, Dan hi Torecke vrage das, 2935[regelnummer] Oft hi dit doen wilde. Doe was Torec soe blide, ende seide: ‘Here, Jaic; ende vergeve u oec embermere Dat gi mi nu hebt mesdaen’. Doe sekerdijt hem, ende daerna saen 2940[regelnummer] Was Torec uten kerker gedaen, Ende men dedene te gemake,
[pagina 76]
Dat hem gebrac van alre sake, Doe hi wel was genesen, Doe lietment saen weten na desen 2945[regelnummer] Den fellen riddere vanden gewade, Oft si so cone ware van rade, Dat hi enen camp dorste bestaen Vander mord die hi hadde gedaen. Hi ontbeet: ja hi, God weet. 2950[regelnummer] Doe voer Torec daerwaerd gereet Ende vantene opten gewade daer. Doe seide Torec te hem daernaer: ‘Gi sloget doet valscelike Rogards kinder; ende cortelike 2955[regelnummer] Willic dat hier proven op u’. Dander ne ter stede niet nu Hem geantwerden van groten moede, Ende reet op Torec, die ander hoede Was, ende op hem weder reet. 2960[regelnummer] Si quamen te gadere, van mode heet, Soe datsi haer speren braken daer, Ende ter eerden vielen daernaer; Ende haer orsse vielen mede. Torec spranc op daer ter stede, 2965[regelnummer] Ende die ander mede oec saen. Doe gingen si metten swerden slaen Vreesselike sere ende grote slage. Dit geduerde toten middage. Doe geraecte Torec den anderen so wel, 2970[regelnummer] Dat hem daer sijn swaerd ontfel. Doe gegreep hi Torec, sonder waen, Metten armen, ende waenden saen Onder hebben geworpen nu; Maer Torec warp hem, dat secgic u, 2975[regelnummer] Optie harde eerde saen, Dat hem die ogen dochten vergaen. Doe trac hi den helm af daernaer, Ende wilde hem thoeft afslaen aldaer. Doe riep die gene: genade, sere. 2980[regelnummer] Die forestier seide: ‘Slaet doet, here,
[pagina 77]
Den verradere, des biddic u.’ Die ander riep echt: genade! nu. Rogard seide: ‘Liechdi mi, Torec, Ic leide u weder inden strec 2985[regelnummer] Daer gi hier vore laget in’. Torec was drove in sinen sin Ende seide ten riddere vanden gewade: ‘Nu nemt uwen helm met goden staden Ende bintene vast, ende weert u nu: 2990[regelnummer] Dese genade so gevic u; Maer hierna bid mi genade nemmere’. Des dancte hem dander harde sere, Ende stont op ende dede alsoe. Van irst gingen si vechten doe, 2995[regelnummer] Ende vochten ene lange stonde. Doe sloech hem Torec ene wonde Int hoeft, die ginc toten tanden. Doe viel hi neder daer te handen Ende was harde scire doet. 3000[regelnummer] Doe was Rogarts bliscap groet, Ende oec sire twe kinder mede. Si daden Torecke daer ter stede Grote ere, ende noetden sere Met hen te varne; maer die here 3005[regelnummer] Ontseit al ende sciet van daer, Ende bat orlof an hen daernaer. Nu latic van Rogarde staen, Ende vort van Torec doen verstaen.	[tekstkritische noot]vs. 2877, legte, J. legten; kerken, J. kerker; vs. 2895, bedeward, J. beddeward. [tekstkritische noot]vs. 2942, alre J. gere; vs. 2946, si, J. hi; vs. 2949, ontbeet, J. ontboet; vs. 2956, ne ter, J. ne wilde ter. [tekstkritische noot]vs. 3008, vort, J. sal; vs. 3012, Savons, J. Ende savons.

Vorige Volgende

XII. [Hoe Torec den roden ridder doedde.]