Spiegel historiael. Eerste partie [alleen brontekst]

[p. 1,2]

[Hier beghint die tweede tafle.]

Die ander bouc neemt sijn begin

An Moyses meer no min,
Hoe dat hi geboren waert,
Hoe hi geplaget ende vervaert
Hevet Egypten met groter pine,
Hoe hi voer dordie wostine,
Ende leedde tfolc van Ysrael,
Ende wat wondere hem ghevel,
Hoe dat hi ontfinc de wet,
Hoe hi staerf al ombesmet;
Wat wondere in sinen tiden
Andere lieden moesten liden;
Hoe Josue na Moyses
Hertoghe gemaket es;
Hoe die van Ysrael bailliuwe
Na Yosue maecten nuwe;
Van Othoniel, van Delbora,
Van Gedeone, ende oec daer na
Van Abimalech, van Tela mede;
Torloghe van Teben die stede;
Van Hercules; van Jeptee;
Van Troyen oec orloge mee;
Hoe Bartaenyen [ende] Vrancrike
Van Troyen quam gemeenlike;
Van Sampsoene, ende daer na also wel
Van Hely ende van Samuel;
Van Saul, Davite ende Salomoene,
Ende van alder Juedscer crone,
Ende hoe dat sise verloren;
Haer gevangnessen ende haer toren
Tote Cyrus, die hem helpen began,
Entie Babylonien wan.
Dese bouc hevet bi ghetale
[L capiteele, weetmen wale.]

[p. 1,3]

Moyses ghebornesse	I.
Vander plaghe van Egypten	II.
Hoe die van Ysrael voeren uut Egypten, ende waer af Paschen quam	III.
Vanden swerke ende vanden viere, dat die van Ysrael hadden indie wostine, ende hoe Pharao verdranc ende die sine	IIII.
Hoe Moyses ginc droochs voets over die zee, ende hoe die van Ysrael ghingen dordie wostine	V.
Hoe Moyses ontfinc de wet	VI.
Vanden calve, dat die van Ysrael maecten van ghoude	VII.
Hoe si scieden van Synay, ende Moyses doot	VIII.
Vanden wondere in Moyses tiden	IX.
Noch vanden selven	X.
Van Josue den hertoghe	XI.
Van Baruch ende van Delbora	XII.
Hoe die van Madyan plageden de Joden, ende van Gedyone den rechtre	XIII.
Hoe die Amoniten plaechden de Joden, ende van Jaree ende Jeptee	XIIII.
Weltijt Parijs rovede Helenen	XV.
Van Abysay ende van Haylone die rechters	XVI.
Hoe Dares bescreef dorloge van Troyen	XVII.
Vanden neghenden wighe enter Troijenen vlucht	XVIII.
Wat vanden Troijenen quam	XIX.
Hoe Rome van Enease quam	XX.
Van Sampsoene ende van sire cracht	XXI.
Vanden pape Hely die rechter was, [ende] mettem was tkint Samuel	XXII.
Van Samuel ende Saul	XXIII.
Vanden riken die begonden, ende wat gesciede in Samuels tiden	XXIIII.
Vanden coninc Davite	XXV.
Vanden coninc Salomoene enten temple	XXVI.
Van Salomoene ende sijns wijfs zale	XXVII.
Vanden mure van Jherusalem, ende Salomoens doot	XXVIII.
Hoe trike schiet na sine doot	XXIX.
Van Josaphat, coninc van Jherusalem	XXX.
Van Joram, coninc van Jherusalem, ende van Helyas	XXXI.
Van Jodas, bisscop van Jherusalem, ende van Ligurus wet	XXXII.
Van Amasias, coninc van Jherusalem	XXXIII.
Van Osyas, coninc van Jherusalem, ende van Sardomopilis	XXXIIII.
Hoe begonste tconincrike van Meden. Van Osyas den coninc	XXXV.
Vanden rike van Machedone	XXXVI.
Van Ylia die haren vader besloot, ende van Remus ende van Romelus	XXXVII.
Vanden coninc Joatham enten rike van Israel	XXXVIII.
Vanden quaden Achas, coninc van Jherusalem, ende hoe Rome gesticht was	XXXIX.
Van Ezechias, coninc van Jherusalem, ende Romulus doot	XL.
Van Manasses, coninc van Jherusalem, ende Ysayen	XLI.
Van Gygus, coninc van Liden	XLII.
Van Amon, coninc van Jherusalem, ende van Phalarise den fellen	XLIII.
Van Ozias, coninc van Jherusalem, ende van Arioene den harpere	XLIIII.
Van Joachim Joconias, coninc van Jherusalem	XLV.
Van Sedechias, coninc van Jherusalem, ende van Nabugodonosor	XLVI.
Die vijfte euwe vander nieuwer vangnessen	XLVII.
Vanden prophete Ezechiel, ende vanden VII vroeden van Athenen	XLVIII.
Van visschers die ene goudine tafle uptrocken	XLIX.
Van Daniele ende sine gesellen	L.