¶ Van dye derde ende laetste maniere van Causen Iudiciael gheheeten wettelijck.
DEse maniere wordt gheheeten wettelijc, om dies wille dat si tracteert van questien ende differenten, comende ter causen van gescreuen wetten rechten, cueren, statuten, ordinancien, contracten, oft voorwaerden, obligatien testamenten, &c. twelcke ghebueren mach in ses manieren. Ten eersten als daer questie oft different rijst, ter cause van het ghescrifte, ende dye wille oft meeninge vanden gheenen diet bescreuen heeft. Ten tweeden als daer twee ghescriften oft wetten contrarie deen den anderen zijn. Ten derden als een ghescrifte twijfelachtich es Ten vierden als daer questie es vande diffinitie dat es hoe dye sake ghenoemt wordt. Ten vijfsten als die questie coemt ter cause van dye wederlegghinge by exceptien. Ten sesten van dye
Auteursrechtvrij