ren begheerende, dan hueren man thuys te behoudene onghebannen, dye welcke een broeder was vanden verrader. Si allegiert deerste wet Partije allegiert dandere contrarie van dien.
Eerst salmen considereren welcke van den tween, oorboorlicste, eerlicste, ende meest van nooden es. Ten anderen, oft die selue wetten niet eensdeels oft al gheaboliert ende ghecesseert zijn. Item oft die selue wetten in sulcker maniere contrarieren, so dat deene beueelt, ende dandere verbieder, oft dat deene bedwingt, ende dandere toelaet. Want zijn defensie es cranc, die daer kent niet ghedaen te hebbene, daer toe dat hi door de wet bedwonghen was, en wil hem defenderen midts dat een ander wet, tselue es toelatende. Om dies wille dat een beuel ende bedwanc meer es te obseruerene, dan een permissie oft toelatinghe. Desghelijcx ist ooc een crancke defensie, alsmen betoocht wel ghedaen te hebbene, also die wet beueeldt, als die selue wet eensdeels, oft al gheabolieert es, ende te niete. En niet ghedaen te hebbene, tghene dat bi die laetste wet gheoordineert ende beuolen es. Want dye laetste wet es dye vroomste. Dit al geconsidereert wesende wij sullen ons wet, daer mede wij ons behelpen willen, proponeren, verhalen, ende prijsen, maer die andere wet die welcke ons contrarie es, die sullen wij declareren interpreteren, ende trecken tot onsen profijte, besoeckende oft si in eenich deel van rechte ghefundeert es. Te wetene int natuerlijck recht, ghescreuen recht, costume
Auteursrechtvrij