Rhetorica, dye edele const van welsegghene

¶ Van die wederlegghinghe by exceptien.

BY die exceptien, so wel dilatorie, declinatorie, als peremtorie, soo mach daer een wettelijcke cause spruyten als den verweerder wederleggende es den heesscher, oft sinen heesch oft den tijt, oft den iuge. &c. Hier moet gheconsidereert wesen, oft den heesscher ende sinen heesche ontfanckelijck zijn. Oft den iuge daer ouer iurisdictie heeft, ende kennesse daer af nemen mach. Oft den heesscher heescht in behoorlijcke maniere, in behoorlijcken tijt, in behoorlijcke plaetse, by behoorlijcken rechten, wetten, Constumen. &ce.

[fol. 45v]

Het soude lanc vallen van elck exempel te gheuen. Ende ooc waert te vergheefs, want die sake claer ghenoech es voor den ghenen die wat van der Practijcken weten, bi den welcken een ghemeenen reghel es. So wie niet enagiert, also hi behoorde, hi verliest zijn Proces.