¶ Hoe die propositien gheuonden werden.
DIe Propositien werden ghenomen vanden principalen plaetsen der causen Exempel. Yemant begeert oorconden beleet te hebbene. Dye principale ende ghemeene plaetse es: Oorconden. Daer op maect hi zijn Propositie aldus Sonder oorconden en salmen gheen partije gelooue geuen. Een ander refuteert het selue, makende zijn Propositie ter contrarien aldus. Men en moet niet van alle saken oorconden beleeden want vele quade fayten worden bedectelijcken ghedaen. Item op de torture een maect zijn propositie aldus. Gheen sekerder sake dan die torture, by de welcke een yeghelijc bedwonghen es, die waerheyt te segghen. Een ander maect zijn Propositie contrarie. Gheen onsekerder sake dan die torture, by de welcke menich mensche bedwongen es te lieghene. Want die vroom ende hardt ghenoech es, om die pijne te verdraghene dat hi ghedaen heeft hi salt verloochenen. Een andere, wt vreesen vander pijnen kent saken die hi niet gedaen en heeft. Item op die wetten, een maket zijn propositie aldus. Men en moet nyet in-
Auteursrechtvrij