Het cort begryp der XII boecken Olympiados

M^e. Hvge Cabisset Provensal,
en faueur du Poëte,

Sonnet.

Assez plus doux que miel, que sucre de Madere,

Plus doux que Manne encor', ou que Rosée aussi,

Sont les beaux vers diuins, que nous chantes icy,

O diuin Vander Noot, de ta Dame tant chere.

Onc argentin ruisseau doux-coulant d'onde clere

Ne murmuroit si doux (pour rompre tout soucy,)

Comme en Cigne nouueau du traict d'Amour tranci

Tu chantes sainctement, & l'Amour, & sa Mere.

L'Escaut tout esbahi, & la Meuse à son tour,

Rebruiront te chansons, ta Dame, & ton Amour,

Auecques l'Ocean, le Pere d'age en age.
Doncques heureux seront, ta Dame, & ton Brabant,

Les Graces, & l'Amour, & Venus par ton chant,

Appollo, & ses Seurs: mais sur tout ton Lignage,

Vt Sors volet tamen stabo, Cabisset.