Poematia

[p. 4]

Epigramma ad Ioannam Othonam Poëtriam Gandensem.

Lesbi tergemino celebratur nomine Sappho;

Huc Sappho, aut Sapphus prodit Othona soror.

Posthuma quam Latiae decorabit fama loquelae,

Quamque Deam Phoebus perpete laude canet.

Pangebat Ioannes Frarinvs Parisiensis Elequentiae

Candidatum in Gymnasio S. Augustini Antuerpiae.

Alivd. Ad eandem.

Miror, qui tantum munus Tibi credat Apollo:

Femina vix tanti muneris vlla capax.

Sicut apes variis è floribus optima libant:

Sic Tibi de libris commodiora legis.

Mente serbi dubiâ: num sit rediuiua Camoena?

Vel num certa domus Ganda sit Aönidûm?

Ludebat Iacobus Hartlieb Antuerp. Rethorices

Studiosus apud P.P. August. Ant.

Alivd. Ad eandem.

Tres fuerint quondam Charites; iam reddita quarta

Est IoAnna; cui, quod tribus, omne decus.

Accinebat Lvdovicvs Van Royen Crubecanus

Rhetor in Collegio P.P. August. Antuerp.