Princelijcke deuijsen
(1563)–Claude Paradin, Gabriel Simeon–
Auteursrechtvrij
[Folio 20v]
| |
De voorseyde Keyser Augustus int begintsel van sijn Keyserijck voerde voor Deuijse het monster Sphinx, twelck was bewijsende een swaere saecke ende van diepen verstande. Als oft hy daer by hadde willen te verstaen gheuen dat niet betamelijck is datment secreet, aenslach ende meeninghe van een Prince yemant openbaert: considererende dat niet alleene treffelijcke saken, maer oock Godlijcke ende heylighe gheraken te verliesen haerlieder estimacie, als sy onder het ghemeene volck te seere ghemeene sijn. Ga naar margenoot+Twelcke voormaels een oorsake was dat die van Egypten vast maecten voor haerlieder tempels, dit monster Sphinx. Dese selue KeyserGa naar margenoot+ Augustus (als Plinius ghetuycht) hadde daer te voren geuonden onder de ringen van sijnder moeder twee van desen monsters Sphinx, die malcanderen soo gelijck waren, datmense niet onderkennen en mochten. Metten eenen van dien, soo segelden sijn vrienden in sijn absencie, ten tijde vander mueterije, de mandementen, nae de gheleghentheyt vanden tijdt. Tselue confirmeert oock Dion, schrijuende dat desen Keyser Aygustus wesende in Griecken, Agrippa ende Mecenas het regement hadden binnen Romen: dewelcke buyten allen anderen macht hadden open te breken ende te ouersien die brieuen die hy was schrijuen- | |
[Folio 21r]
| |
de aen den raedt van Romen. Want sy hadden van hem een signet, daer in ghegraueert was het monster Sphinx om de brieuen weder toe te seghelen. Maer dese Deuijse, alsGa naar margenoot+ Plinius voort beschrijft, en was niet sonder beschimpt te sijn, om de gheraetsels die dese Sphinx voortbrochte: aenghesien dat de soodanighe saecke den spotters oorsaecke gaf. Waer deur men seyde dat gheen wonder was dattet monster Sphinx geraetsels te raden gaf. Waeromme dat Augustus, omGa naar margenoot+ te schouwen sulcke spotten ende schimpen, niet meer daer mede en seghelde, maer segelde een wijle tijdts met die figure vanden grooten Alexander, ende daer naer ten laetsten met sijn eyghen beelde. Met welcke oock nae hem seghelden ghelijck hy, de Keysers Tiberius, Caligula, Claudius, Domiciaen, ende meer ander die na hem succeerden int Keyserijck van Romen. |
