Princelijcke deuijsen

[fol. 101v]

Prosper vterque mari.

Alsmen siet op zee de twee vierige sterren, die hier voortijts vanden ouders ghenaemt werden Castor ende Pollux, dat wort ge-

[fol. 102r]

houden voor een goet ende gheluckich teeken. Maer als men maer eene en siet, ende dat die andere verduystert blijft, dat wort gheacht voor een quaet teeken. Insgelijcx oock als inden houwelijcken staet oft onder een huysghesin die liefde van beyde sijden staet, dat is een teeken van ruste ende vrede, voorspoet ende blijscap. Maer als sy van malcander verureemden ende twistich werden, dat is een teeken van verdriet, onghenoechte, teghenspoet, schade ende bederffenisse. Anders mach oock verstaen worden by tverduysteren van een van dese twee vierige sterren, het perijckel datter mach comen indien haer de cracht oft stercte scheyt vander wijsheyt die alle macht ende ouerheyt behoort te regeren.