Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De ring fan it ljocht (1976)

Informatie terzijde

Titelpagina van De ring fan it ljocht
Afbeelding van De ring fan it ljochtToon afbeelding van titelpagina van De ring fan it ljocht

  • Verantwoording
  • Inhoudsopgave

Downloads

XML (1.18 MB)

tekstbestand






Genre

proza

Subgenre

verhalen


In samenwerking met:

(opent in nieuw venster)

© zie Auteursrecht en gebruiksvoorwaarden.

De ring fan it ljocht

(1976)–Ype Poortinga–rechtenstatus Auteursrechtelijk beschermd

Fryske folksforhalen


Vorige Volgende

Heideskyn

Ja, der waerde by ús in forhael forteld oer in lyts mantsje dat yn 'e groun wenne. Nachts koe er him foroarje yn in kreas jongfeint. Doe krige er in kear in praetsje mei in fanke en dat foel der oan wjerskanten wol yn. Hy praette altyd mei har ôf, dat se inoar yn 't tsjuster moetsje soene. It waerd sib spul, en doe diene se inoar op in nacht troubilofte en dêr liet er har djûre eden op swarre. De nacht wie swiet en it wie midsimmer. Se bleauwen sa lang op 'e heide sitten, dat de dage oer de loft roun. En doe't de jongfeint by har wei gong, seach se dat er foroare yn in lyts mantsje en dat er weiwaerd yn in gat yn 'e groun. Doe bigriep se, dat it in kweageast of in dwerch wêze moast. Mar se hie har wurd jown om mei him to trouwen en eden koe men net brekke.

 

De oare jounes is se der wer hinnegongen en wer kaem de kreaze jongfeint by har. Doe sei se tsjin him: ‘Dou hast my noch noait forteld hoest hytste. Hoe is dyn namme?’ Dat woe er har net fortelle, en doe sei se tsjin him: ‘Astou my dat net sizze wolste, dan wol ik fan myn troubilofte ôf’. Hy antwurde: ‘Der is mar ien manier om der ôf to kommen, en dat is astou myn namme witste’.

Doe is dat fanke nei hûs gongen, mar om middernacht hinne is se stiltsjes nei it plak weromroun dêr't se sitten hiene. En doe seach se, dat flak foar de hoale dêr't er de foarige nachts yn fordwoun wie, in fjûr baernde, en dêr dounse er omhinne. En hy song:

[pagina 54]
[p. 54]
 
Ik dounsje hjir om 't lôgjend fjûr,
 
Hwant Sytske dy is myn!
 
Gjin minske dy't myn namme wit,
 
En dy is Heideskyn.

Like stil as se kommen wie, roun se wer nei hûs, en de oare jouns doe't se wer op 'e heide siet to wachtsjen, kaem de kreaze jongfeint om har mei to nimmen. En doe sei se: ‘Ik wol net’. ‘Dou witst datst sward hast om my to trouwen. Allinne ast myn namme witst, bist fan dyn eed ûntslein’. Se seach him oan en sei: ‘Dan bin ik frij’, en se neamde de namme. Op slach foroare de jongfeint yn dat lytse keardeltsje en stoude it gat yn 'e groun binnen en se hat him noait wersjoen.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken