ist dat den Patient niet spreken en kan, ende dat het gheswel sich nerghens en heeft gheopenbaert) welck vande seven Leden inwendigh met het vyer meest besmet ende ontsteken is, 't welck men moet verstaen als volght.
MERCVRIVS: heeft sijn Pols inde slaep vande slincker sijde des hoofts, ende beteeckent de Longhe, als nu die selve Pols in haer slaghen misset ende te haeftigh staet, soo lydet de Longhe ende geeft een gheswel, doch op onsekere plaetsen, want sy werpt haer fenijn, soo als het valt over t'gantsche lijf.
LVNA: heeft haer Pols aende rechter slaep van't hooft, ende beteeckent de Hersenen; wanneer dan die selve Pols in haer slagen feylt ende te hastigh loopt, soo lyden de Hersenen, ende het geeft een geswel achter 'trechter Oore.
VENVS: heeft haer Pols aende slincker-sijde vanden hals, en beteeckent de Nieren. Wanneer dan die Pols hare slagen feylt, ende te haftig of te langhsaem slaet, soo lijden de Nieren, ende geven een geswel inde slincker liesche.
MARS: heeft sijn Pols aende rechter zijde vanden hals, ende beteeckent de Galle, als dan die Pols hare slaghen te langhsaem of te hastigh lopen, soo lijdet de Gal ende gheeft een gheswel onder den rechten Arm.
SOL: heeft sijn Pols inde slincker zijde onder de korte Ribbe, ende beteeckent het herte; als dan die Pols haren koerse te langsaem of te hastigh loopt, so lijdet het Herte, en komt een buyle onder den slincken Arm.
IVPITER: heeft sijn Pols aenden rechten Voet, ende beteekent de Lever; als die dan haren loop te kort of te Langhsaem neemt, soo lijdet de Lever, ende infecteert den rechten Liesche.
Auteursrechtvrij