Salpeter daer in ghedaen, ende sulcx alles seer goet bevonden.
Ick hebse ghesien die in dese sieckte aten een goet deel Karssen, Appelen en dierghelijck, die nochtans wel groote gaten in't lijf hadden, ende ghenasen niet te min alsoo wel als andere, die haer sulcx met groote pijn onthielden, en daerom en wil ick in desen deele niemant een wet voorstellen, noch gheen regel voorschrijven hoe men hier in sal handelen, alsmen maer de Medicamenten recht ghebruyckt, ende 't vergift van 't herte drijft, soo laet ick voorts in billickheyt een yder sijnen lust, een ander mach doen dat hem best aen-staet.
Ick hebse wel sien ligghen roepen en klaghen om Water te drincken, 't welck haer niemant gheven wilde, om datter haer vande Doctoren verboden was, maer als ick daer by quam, soo en heb ick haer niet gheweygert, haren lust te geven, maer ick hebse ghedient, ende haeren dranck met Salpeter ghemenght, ende te drincken gegheven, waer voor sy my hertelijck bedanckten, en zijn gheen vyer-en-twintigh uren in 't bedde blijven legghen, maer zijn uyt haer sieckten op-ghestaen, daer andere soo leggende, versmacht ende haestigh ghestorven zijn.
Als ick Fonteyn-Water bekomen kan, soo en laet ick den siecken gheenen dorst lijden, maer doe veel eer een weynigh Salpeter in haer dranck, ghelijck inde Bruyne gheleert is, ende als ick het bekomen kan doen ick het Sap van Lamoenen of Oranje Appelen in haer dranck, ende laetse dan drincken in des Heeren name.
Hier mede wil ick besluyten vanden onnatuerlijcken dorst, ende voorts andere Meesters laten behouden hare wijse en maniere van doen, al-
Auteursrechtvrij