Lauwer-stryt

Weder-antwoort
Aan Iuffr. Cornelia van der Veer.

HEt geen gy baardt kan my niet hindren,
't Sijn my zeer lieve troetel kindren,
Dat zuyver wit gepaardt met git:
Maar weet dit is mijn ooge wit
Dat in mijn slegte regels zit,
Dat gy een wonder zijt op aarden;
Een zuyvre maagt die nooyt en paarden,
En steets veel lievelingen baarden,
Die leven zullen op der aarden
Naar u en onse levens tijt:
Soo langh tot dat de werelt slijt.

A.L.