Rethoricale wercken (1562)

Rethoricale wercken

(1562)–Anthonis de Roovere– rechtenstatus

Auteursrechtvrij

Vorige Volgende



[Folio 49r]
Refereyn van Rethorica. MEn mach de Rethorijcke in veel manieren Hanthieren Diese wijselijcke can bestieren Tversieren Js wonderlijck datter inne licht Slicht // mensche soe wilt dan obedieren Tcryhieren Vander Rethorijcke scholieren // in vieren Heeftse den heylighen gheest ghesticht Dicht // dats de wortele noydt sulck ghewicht Tmessicht // int begrijpen menich abel clerck Die abelijck // notabelijck // de redene schicht Soot blycke // Rethorijcke // voor gheen conste swicht Verstaet // diese haet // versmaet // Godts werck. Ten tweeden heeft sy bladerkens, soe doet elc cruyt Wt Den wortele scheppende roke en virtuyt Ruydt Js dit werck voor menighen man Nochtan // soe wie der scientien conduyt Ontsluyt Vindt wel dat soete luydt // tspruyt Wt // gheleerde tonghen verstaet diet can Wan // quam die conste der tonghen dan Van // Rethorijcke wortele verandert sterck Hoe hem de ionghe // huer tonghe // noyt sprake beghan Rethorijcke // practijcke // wrochte eerst hier an Verstaet // diese haet // versmaet // Godts werck.
[Folio 49v]
Ten derden wt Rethorijcke vruchten groeyen Bloeyen Midts tsheylichs gheests dau bespoeyen Vloeyen Vol roken buyten ende binnen Sinnen // zijn dit, die in sulck werck roeyen Gloeyen Soe vierich, dat si int moeyen Verbroeyen / by, tot si den keest ghewinnen Vinnen // roeren si naerstich door dlustich versinnen Kinnen // wilt de materie // laet drijuen tzwerck Van nijde // weest blijde // ende wilt beminnen Rethorijcke, die allen druck can dinnen Verstaet // diese haet // versmaet // Godts werck. ¶ Prinche. Der Rethorijcke sonder orreest Meest Naer der heyligher schriftueren graet Tsaedt Van Rethorijcke zijt heylich gheest Keest // spruytende inde bloemkens lustighe daet Quaet / Van Rethorijcke te sprekene laet Hantheertmense gedoochsaem, voecht v int bemerck, Jck begheert // niet weet niet deert // dit verstaet Want als voren, van my noch de wete ontfaet Verstaet // diese haet // versmaet // Gods werck.

Vorige Volgende