Rethoricale wercken(1562)–Anthonis de Roovere– Auteursrechtvrij Vorige Volgende Lof van Maria. O Maria paysiuel ghestadich Jerusalem tghesichte van vreden Tabor toeganck, Oreb beradich Bethel Gods huys, Or lucht duergleden Oliueten ontfermich van zeden Libanus suyuer, Carmely vol gratien Hebal ghebenedijdt noch heden Syna wtganck van temptatien Syon berch van contemplatien Phasga ghifte, Galgala besnijdinghe Hermon verscheedt van droeuer natien Ephraym wasdom, Abarim duerlijdinghe Nochtans hebt ghy voor alle verblijdinghe De ghecroonste vrede in Gods ghesicht Lof schoonste stede // op den berch ghesticht. Maria ghy zijt die stede meest Die ons bouen allen steden greyt [Folio 52v] [fol. 52v] Jnden Vader, Sone, ende heylich gheest Daer is uwen eersten steen gheleyt Noydt berch van sulcker magesteyt Wiens hooghde noydt en was beuonden Daer zijdy een stede volmaeckt voorseydt Soe schoone, tgaet bouen allen conden Jerusalems muer met wachters verbonden Dwelck zijn Gods Enghelen eenpaer ontrent by Arphaxas stede, Lof sonder gronden Die tseuentich cubitus hooghe bekent sy Tsheylichs gheest ghiften hebdy beglent vry Als gheloontste stede // int eewich licht Lof schoonste stede // op den berch ghesticht. Wie sal dien berch dan weder legghen Daer ghy op ghesticht zijt maghet puere Wie sal van stercker gheberchte segghen Daerdtsche Paradijs en is maer figuere En ghy zijt met onghehenden Sauduere Verheelt op desen berch bequaeme Als stede van eewelijcker natuere Vol ende al vol van alder vrame Lof Stede vry van eenigher blame Lof Stede vol weelden, stede vol vruechden Lof Stede van peyselijcker name Lof Stede vol volcx, dats stede vol duechden Lof Stede vol Jnghelijcker iuechden En getroutste mede // door tsheylichs geest schicht, Lof schoonste Stede,/ op den berch ghesticht. Lof Princersse ende Stede reene Sonder ghenoodt [Folio 53r] [fol. 53r] Niemande serf dan Gode alleene Dats Edelheydt groot Staet my by inde vre der doodt Voor de ghehoontste snede,/ dats thelsche wicht Lof schoonste Stede,/ op den berch ghesticht. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij