Rethoricale wercken

Bijden Coninck.

Opt versueck ghedaen inden Rade van Brabandt, van weghen Jan van Ghelen, ghesworen Drucker ende Boeckuercooper woonende binnen der stadt van Antwerpen, tenderende ten eynde dat hem toeghelaten ende gepermitteert worde te moghen drucken ende vercoopen sekere Boecxken te wetene, Rethoricale werken van Anthonis de Roouere, Doctoor ende geestich Poete, Respectiue gheuisiteert ende gheapprobeert by Heeren Sebastiaen Baers, Prochiaen van onser Lieuer Vrouwen Kercke Tantwerpen. Onse Heere de Coninck als Hertoghe van Brabandt,

[fol. 97r]

Nae dien hem vande voorseyde visitatie ende approbatie ghebleken is, dat het voorseyde Boecxken goet is ende niet quaets begrijpende: Heeft toeghelaten gheoirloft, gheconsenteert ende gepermitteert, Laet toe, oirloft, consenteert ende permitteert by desen den voorghenoemden Jan van Ghelen Suppliant dat hy tvoorschreuen Boecxken naevolghende de Correctie daer op ghedaen, so verre daer eenighe gheschiedt is, Sal moghen drucken, vercoopen ende distribueren al omme binnen desen Lande, daert hem goetduncken ende ghelieuen sal, Sonder daeromme teghen de Conincklijcke Maiesteyt, oft zijne Placcaten te misdoene. Jnterdicerende ende verbiedende de voorseyde Maiesteyt, allen andere Printers ende Librariers het voorseyde Boecxken gheintituleert als bouen in sesse Jaren naest comende niet nae te printen, Opte pene vande confiscatie vanden seluen. Ende daer en bouen te incourerene tot behoef der voorseyder Coninclijcke Maiesteyt Damende van Twintich Carolus gulden by elcken contrarie doende. Gedaen inde Stadt van Bruessele, den Eersten dach Octobris, Anno .M.CCCCC. ende LXJ.

¶ Ondertekent. J. de Perre.

[fol. 97v]