Logo DBNL
Werken. Deel 6. Die chierheit der gheestelijker brulocht. Vanden blinckenden steen. Dat boec der hoechster waerheit (1868)

Werken. Deel 6. Die chierheit der gheestelijker brulocht. Vanden blinckenden steen. Dat boec der hoechster waerheit

(1868)–Jan van Ruusbroec–rechtenstatus Auteursrechtvrij

Vorige Volgende

Van enen ghemeynen levene, dat coemt van scouwen ende van ghebrukene Gods. C. XIV.

22Die mensche die uut deser hoecheit van Gode neder 23gheseint wert in die werelt, hi is vol der waerheit en̄ rije van 24allen doechden. Ende hi en socket sijns niet; maar des gheens

1ere diene gheseint heeft. En̄ daer om is hi gherecht en̄ 2warachtich in allen dinghen; en̄ hi heeft enen riken milden 3gront, die ghefondiert is in die rijcheit Gods: en̄ daer om 4moet hi altoes vloyen, in alle die ghene die sijns be- 5hoeven; want die levende fonteyne des heylighen Gheests 6die es sijn rijcheit, diemen niet versceppen(1) en mach. En̄ 7hi is een levende willich instrument Gods daer God mede 8werct wat hi wilt en̄ hoe hi wilt; en̄ des en draecht hi 9hem niet aen, mer hi gheeft Gode die ere; en̄ daer om blijft 10hi willich en̄ ghereet al te doghen dat God ghebiet, en̄ stere 11en̄ ghenendich(2) al te liden en̄ te verdraghen dat God op 12hem ghestadet. En̄ hier om heeft hi een ghemein leven, 13want hem is scouwen en̄ werken even ghereet, en̄ in beiden 14is hi volcomen; want nieman en mach dit ghemein leven 15hebben, hi en si een scouwende mensche: en̄ nieman en mach 16scouwen, noch Gods ghebruken, hi en hebbe die ·vj· pun- 17ten in hem alsoe gheordent, als iese hier voir seide. 18En̄ hier omme sijn si alle bedroghen die wanen scouwen, en̄ 19enighe creature onoirdelie minnen, oefenen oft besitten; die 20ghebruken wanen eer si onghebeelt sijn, oft rasten eer si 21ghebruken. Die sijn al bedroghen, want wy moeten te 22Gode ghevoecht sijn met opender herten(1), met ghevreder 23consciencien(2), met enen bloten aenschine(3), onghe- 24veinsdelic, in rechter waerheit. En̄ dan selen wi opgan 25van doechden in dochden, en̄ Gode bescouwen en̄ sijns ghe- 26bruken, en̄ in hem één werden, ghelikerwijs dat ic u gheseit 27hebbe. Dat ons al dit ghesciede, des helpe ons God. Amen.


Vorige Volgende