Hier seit hi een recapitulacie van der alre hoechster leren, die hi in allen sinen boeken geschreven heeft. C. II.
1Siet, ic hebbe aldus gheseit, dat die scouwende minnere
2Gods met Gode vereenicht is overmits middel, en̄ oec
3sonder middel; en̄, ten derden male, sonder differencie
4ofte ondersceet; en̄ dit vindic inder naturen, en̄ inder
5gracien, en̄ oec inder glorien. Ik hebbe voirt gheseit dat
6neghene creature en mach soe heylich sijn noch werden,
7dat si haer ghescapenheit verliese en̄ God werde, noch
8oec die siele ons Heren Jhesu Christi, die sal ewelic crea-
9ture bliven, en̄ een ander van Gode. Nochtan moeten wi
10alle boven ons selven in Gode verhaven sijn, en̄ één gheest
11met Gode in minnen, selen wi salich sijn. En̄ hier omme,
12merct mine woerde en̄ mine meyninghe, en̄ verstaet my wel
13te rechte, wele die wise en̄ die opgane si onser ewigher
14salicheit.
Auteursrechtvrij