Het Walchers liedeboeck (1611)

Het Walchers liedeboeck

(1611)–Dirk Schabaelje, Jan Philipsz. Schabaelje– rechtenstatus

Auteursrechtvrij

Vorige Volgende


Een nieu Liet
na de wijse Ick claegh v venis dieren BLomekens aerder heyden seer liefflick ontdaen der groener Jeucht afscheyden en met der tyt vergaen dit seer wel gade slaen mach den mensche, want desen hem al voor Ooghen staen Om ghewaerschout te wesen Bereyt is nu de bylet om werpen in den gloet den quaden boom, dewyle hy blyft euen verwoet, keert u terrechter boet draghende zoete besen v herte open doet Om ghewaerschout te wesen Wat is des menschen beelde schynende cloeck beset
[Folio 17r]
al hadd' hy sweerelts weelde ia noch duysentmael beter nochtans wert hy verplet en vander doot verkneesen hier dient wel op ghelet om ghewaerschout te wesen Waer syn de zodomyten die hoochmoedighe schaer en die Isralyten zaten etende, maer wesende ondanckbaer syn tot spelen gheresen de doot vernielde haer Om ghewaerschout te wesen Des doots prickel deurstraelde soo menich duysent man Wanneer de arcke daelde deur haeren handen, van den waghen die sy an roerden, stont sonder vresen elck zy gheneghen dan Om ghewaerschout te wesen Antiochius meende niemant en was soo groot die zyne macht vercleende deur eenighen aenstoot en daerom ist wel noot te mercken en te lesen van syn gaestighe doot Om ghewaerschout te wesen Een man na zijnen luste hebbende aertschen schadt dachte te syn in ruste maer de doot hem vertrat
[Folio 17v]
Nu soo ghy wilt van dat Peryckel syn ghenesen Merckt Ninive de stadt Om ghewaerschout te wesen De doot comt haer verrassen Die in dit leuen quaet Op gheen waerschouwen passen Doende haer eyghen raet Hier in dient wel de daet Nicodemy ghepresen Die s'nachts tot Jesum gaet Om ghewaerschout te wesen Den mensche moet hier waeken Soo langhe als hy leeft Hem sal ruste ghenaken Als hy verwonnen heeft De doot daert al voor beeft Paulus tot den Ephesen Een goede reden gheeft Om ghewaerschout te wesen Weest op v hoede

Vorige Volgende