Het Walchers liedeboeck (1611)

Het Walchers liedeboeck

(1611)–Dirk Schabaelje, Jan Philipsz. Schabaelje– rechtenstatus

Auteursrechtvrij

Vorige Volgende


[Ghehoorsaemheyt is beter van panden]
Na de wijse Moyses seer vierich in alle zijn wetten Ga naar margenoot+GHehoorsaemheyt is beter van panden Dan der offerhanden costelick gheschijnck Alsoot wel bleeck aen Saul die vanden Heere door de handen Samuels ontfijnck Het rijcke Israels tot een Coninck Sijnde van te vooren van Godt wtvercooren Maer in sijnen thoorn vervallen noch vergijnck Godt dachte amalecks vyandich pooghen Doen Israel ghetooghen hadde door sijn lant En heeft gheleyt Saul dit voor ooghen Niet meer te gedooghen Israels Vyant Maer te vernielen en helpen van cant Met een tsamen spannen Vrouwen ende mannen Dootslaen en verbannen Al wat is voor de hant Saul versaemde een heyr om versmyten De amaleckiten ende hy gheboot Dan van haer scheyden souden die kenyten Dus de Isralyten eer yemant ontvloot Vrouwen aē Jonghe kinderen sloeghen sy doot Het wert al verdreuen
[Folio 64r]
En ghenomen tleuen Weynich ouer bleuen Is in desen aenstoot Alleen den Coninck Agag Saul spaerde Die hy wel bewaerde en gevangen nam En tbeste vee tvolck wtvergaerde Maer wat quaet van aerde Was, ten sweerde quam Doen wert den Heere ouer Saul gram Om dat hy wtsochte Al wat hem goet dochte En niet om en brochte Alle der beesten stam Godt sprack met Samuel ende verconde Hem des Conincx sonde en rebel opstel den Prophet quam smorghens dat hy hem vande Saul met den monde groete Samuel Ick hebbe ghedaen des Heeren beuel Men bannen wtroeyen? Wat hoor ick dan loeyen Schapen ende koeyen In den leger soo snel? Tis van den roof die sy hebben ghecreghen Op dat het ghedreghen werde ten offer maer Het ander is al met den ban ghesleghen Niet en heeft ghesweghen den Prohete daer Aenhoort des heeren woorden openbaer Doen ghy u cleyne kende Onder Israels bende Ick u mijn Jonste wende Als een hooft ouer haer Maer nu ick sant v amaleck te dwyngen En ter doot te bryngen en dede gy dat niet? Wy hebben doch ghedaen aen al dese dyngen
[Folio 64v]
En den wech wy gyngen daer den heere ons hiet Haeren coninck vyngen wy tot syn verdriet Maer tbeste vee wy seere Behielden vry van deere En dat is om den heere Te offeren gheschiet Meynt ghy dat Godt gelust des offers blaken Hy heeft meer vermaken aen de ghehoorsaemheyt Tot opmercken is al meer syn haken Dan oft daer te smaken rammen waren gheleyt Hem te wederstaen is afgoederie gheseyt Sy syn of het waren Zondighe touenaren Die niet voort en varen Int ghene dat hem greyt Siet om dat ghy syn ghebodt niet en dede Soo heeft hy v mede Verworpen als onweert Int ryck Israels te hebben stede? Saul met een bede Heeft van hem begheert Quytschelt der sonde die hem nu deert, Samuel liet comen Agag den onvromen En heeft hem ghenomen Het leuen met een sweert Een ander prince al beter dan desen Heeft Godt wtghelesen ouer syn ghetal Die syn volck Israel ghenesen En behulpich wesen in haer lyden sal Den ghesalfden Dauidt den Coninck bouen al Laet ons sonder wijcken Hem ghehoorsaem blycken Dat wy van ghelycken
[Folio 65r]
Niet en comen ten val Weest op u hoede	margenoot+ Math. 22. 1.

Vorige Volgende