Emblemata

[p. 197]

Principijs mali obstandum.
Emblema LXVI.

Aspidis haud ullâ morsus curabitur arte

Ense recidatur pars nisi laesa statim;

Haud aliter si Seditio teterrima pestis

Ingruat, & secum crimina multa trahat,

Omnia sunt tentanda quidem, sed tollere prestat

Vnum, ne totus grex malè dispereat.

Commentarivs.

PRaecipiunt medicorum filij, morborum principijs semper obstare, ne

- Serò medicina paretur

[p. 198]

Cum mala per longas invaluêre moras.

Monet hoc Perlius Satyra tertia,

Helleborum frustrà quum jam cutis aegra tumebit
Poscentes videas, venienti occurrito morbo.

Hoc idem requiritur in morsis ab Aspide, qui nullo modo sanantur, nisi partes laesae confestim amputentur. Monetur autem hoc Emblemate Princeps, seditiosos & conclam atae nequitiae cives, meritâ poenâ punire, & è Republicâ suâ ejicere; Nam

⁺ - Immedicabile vulnus
Ense recidendum est, ne pars sincera trabatur.

Etenim ille, cui nec natura, nec industria rectè vivendi studium ⁺conciliare potest, è vitâ, secundum Platonem, est pellendus. Haec ipsa clementia est, non esse hîc clementem. Multos servamus ⁺dum unum tollimus. Et optimum misericordiae genus est, occidere, non tam ut ipsi pereant, sed ut alios pereundo deterreant. Melius enim est, ut pereat unus, quàm unitas, membrorum⁺ potius aliquod, quàm totum corpus intereat. Sed haec omnia moderatè, & pro delicto. Nec enim prius ad ultima remedia deveniendum est, nisi cum depositae salutis aeger, nullis lenioribus auxilijs juvari potest. Quia ut Satyricus inquit,

Nulla unquam de morte hominis cunctatio longa est.

Claud.

Qui fruitur poenâ ferus est, legumque videtur
Vindictam praestare sibi.

+ Ovid.

+ Apul. de Philos.

+ Lips. in Polit.

+ Cicero Philipp. 9.