Basiorum Liber

[p. 23]

Basivm XIIII

Quid profers mihi flammeum labellum?
Non te, non volo basiare dura,
Duro marmore durior, Neaera.
Tanti istas ego ut osculationes
Imbelleis faciam, superba, vestras,
Ut nervo totiens rigens supino,
Pertundam tunicas meas, tuasque,
Et, desyderio furens inani,
Tabescam, miser, aestuante vena?
Quo fugis? remane, nec hoc ocellos,
Nec nega mihi flammeum labellum:
Te iam, te volo basiare, mollis,
Molli mollior anseris medulla.