Eibergsche sang-lust

[fol. **2r]

Eidem.

Desinat Argolicae carmen ferale peullae
Et personatum populo ostentare Thyesten
Graecia, vel tumidá Electram producere Scenâ,
Hectoraque, Ajacemque. Vate Permessidos unda,
Cyrrha vale, Phoebique domus. Sluterus Jesum
Ex Helicone sacro cantat; non indigus undae
Flaminis, usque alias dat aqueas, & secula ditat
Muneribus, semperque novis, quoe donet, abundat.
Dium opus & sanctum, dias musas meditari,
Dium opus, Unigenam Christum cantare, Poeta
Dius Sluterus merito hinc dicendus, Jesu
Vates, praeco fidus, quem non mendacia vatum
Ficta juvant veterum, modulos sed sanctior adflut
Aura. Ades huc, psalmisque novis depelle querelas,
Quisquis es, oblectaque animun his, curasque levato.
Carmina multa suos laudem laudata Poetas,
Sluteri utilitas & praecox fama labores
Commendat, meritò hinc cingendus tempora lauro.

Jacobus van Hummel, Ecclesiae Grollanae Pastor.