Logo DBNL
Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort–rechtenstatus Auteursrecht onbekend

Vorige Volgende

[deel I]



illustratie

Refereyne I
Ende betert v die kers gaet seer ten inde

 
+MEinsche aensiet wie dat ghi syt
 
Aensiet doch uwen verlorent tijt
 
Aensiet wat v van god ghegeuen is
 
Aensiet wat vruechde wat jolijt
5
Aensiet den titel die ons bescreuen is
 
Wat baet dat ons lichaem verheuen is
 
In groter houerden merct wat ons leuen is
 
Als een kers die wt wayt mitten winde
 
Merct wat van adams kinder bleuen is
10
Der hier voertyts groet wonder of bescreuen is
 
Ende betert v die kers gaet ten eynde
 
 
 
Wat batet samsons cracht alst noot was
 
Of salomons wysheyt die seer groot was
 
Of hector van troyen syn heerscapye
15
Wat batet iulius cesar dat hi thooft was
 
Vanden romeynen die vermoiet was by einvie 16
 
Wat batet pompeius syn vechten syn stryen
 
Oft assuerus syn state van houerdijen
 
Oft nero syn quaetheyt diet volc verslinde
20
Als een kerse soe mosten sy oec ouerleyen
 
Dus peyst op dit propoost by tyen
 
Ende betert v die kerse gaet ten inde
 
 
 
+Also haest is wt ghewayt
 
Als die storm der doot coemt aengedrayt
25
Een grote kerse als een clene 25
 
Onuerwaentheyt van leven ons seer paijt
 
Het bedriecht ons het laet ons sterven allene
 
Wat syn wy anders in dit dal van weene
 
Dan een kerse versmoert mit sonden onrene
30
Die al bernende gaet doer die leemde
 
O brose creature gemene
 
In sonden verhart ghelyc een steene
 
Betert v die kerse gaet seer ten inde 33
 
 
 
Prince
 
 
 
Betert v soe coninc dauid hier voertyts gedaen heeft 34
35
Ende manasses die penitencie ontfaen heeft
 
Van die grote swaerheyt synre sonden
 
Betert v ziele die langhe ghestaen heeft
 
In groter zwaer corruptien gebonden
 
Peyst magdalena heeft genadicheyt vonden
40
Ende petrus die buten goeds gracien stonden
 
Om dat hi warachtich berou bekinde
 
Ende laet v in wanhoope niet verslonden
 
Ende betert v die kerse gaet seer ten inde

Vorige Volgende