Refereinenbundel, Anno 1524

Refereyn VII
Tis misselic lief waer ick verdiende

Moeti scoon lief myn ingelyke beelde
die eerstwerf waert myn wterste weelde
Dus variabel sijn
tmoet onnabel sijn
Dat dyn soete woerden aldus verkeren
die laudabel sijn
In allen bitterheeden mit oneeren
hoe moechdi dese valsheijt geleeren
Hoe moechdyt int herte beuynden ⁹
hoe moechdy mit ander vruecht vermeeren
Hoe moechdi my dus laten in alleynden
hoe moechdy dus laten my verblijnden
Al ben ic int hoicksken van druc vliende
tis misselick lief waer ickt verdiende

Al hebdi my vander hant gesleghen
al hebdi een ander lief ghecreghen
⁺Al trompeerdi mij
Al gaedi nu in donckeren wegen

9 de y van beuynden verb. uit i

+ Fol. 20 (ix)

[p. 22]

 

Al moechdi nu nije blyscap pleeghen

20

Al tempteerdi mij

 

Al blameerdi mij

 

Al doedi my scande scade of lachter

 

Al maecti my een ghesp van achter

 

Al sydi gestadich lief als een trachter

25

Al hebdi my caff in doeren ghesaijt

 

Al liechdi loeghens groot als een wachter

 

Al comen veel troffen voer mij ghewaijt

 

Al ist dat ghy mit alle winden draijt

 

Al sydi dusdanich tscuwen biende ^17-29

30

Tis misselic lief waer ickt verdiende

 

 

 

Al ist nu altemael vergheten

 

ons houeren ons drincken ons eten

 

Ons scossen ons brossen

 

Al hebdi mij inden sythoren gesmeten

35

al ben ic nu vanden back gebeten

 

als mager ossen

 

Mijn rode vossen

 

plaghen wel bequaem te syne

 

myn costelyke dossen

40

Camere van spyse planteyt van wijne

 

myn rode ringhen in v gardyne

 

⁺Myn gelt myn goet myn habiten

 

hebdi qualyck geloont ten fijnen

 

Niet dat ict v soude willen verwijten

45

ghi docht my doe wert al macht my nu spyten

 

Mer ic denck al ist aldus ghesciende

 

Tis misselick lief waer iet verdiende

 

 

 

Prinche

 

 

 

Wat wilicket nu veel verhalen

 

sy soude wel maken veel eyer scalen

50

daer ick of spreke

17-29 Al vervangen door een strik, uitgaande van regel 23 en waarvóór (r. 23) Al staat.

+ Fol. 20^v (ix^v)

[p. 23]

 

Mer hoge mueren sietmen wel dalen

 

ic soudt mit gelyke waer wel betalen

 

quaemt eens in mijnen weke

 

My deert dat ic mij niet en wreke

55

want elc is nu dees meer siende

 

Mer tis misselick lief waer ict verdiende