Refereinenbundel, Anno 1524

Refereyn XXX
Gheen maete en is vol voort ouer loopt

Een gay, wel fray, ionckwyueken
geknocht, gewrocht, seer nouwe int lyueken
quam laesten, mit haesten, ghegaen om wyn
Een ruter, een cluter, vaste ende styueken
sprack daer, voerwaer, waert v gheryueken
⁺een stic /. wil ic, wel by v syn
dat quic, sprac clic, hoort desen cockijn
laet wesen, van desen, meet vol myn vaetkyn
Hy stacse, doe sprackse vwe stoc is fyn
volmaect, gheraect, soe hebdi tgaetkijn
Smul, meet vul, wat cost ic coopt
al horti, al storti, tlieflick maetkyn
geen maete en is vol voort ouer loopt

Hoe staet, hoe gaet, sprac dat calantkyn
dat nel, sprac wel, boort noch aent cantkyn
och manniken/myn canniken/wilt toch vol meten
En mach, o wach, help vuyl planantkyn
verslaecht, versaecht, slict als een wantkyn
Cockynken, v twynken /. is al versleten
v coemken, syn roomken, is hem ontseten
Sprac hi, tis vry / noch goet van smake
dat lac / diet sprac / dat sal ic weeten
het spoilt / het coilt / soe wel die taken

+ Fol. 43^v (xxxii^v)

[p. 62]

 

Hy screyde / sy seyde / wat gadi maken

25

Flauwaert / blauwaert / sydi verknoopt

 

Meet vol / lieue mol te min salt laken

 

geen maete en is vol voort ouer loopt

 

 

 

Sy hutsten / sy clutsten noch wat aent bommeken

 

⁺Hy creuelde / sy steuelde / ende spoilden tonneken

30

Hy greepse / doen peepse / recht als een gans

 

Die ioncker / int doncker / dansede blommeken ³¹

 

hy danctese / doe ianctese / recht als een stommeken

 

Hy duchte / si suchte en sprac nochtans

 

Al leket / versteket / tvat neerderwaert

35

ghi sullet / gheuullet / vinden bicans

 

v mutzeken / myn butzeken / oft wyn en spaert

 

Steect styf / catyf / v niet en veruaert

 

men haeltene / men betaeltene / men drinckten gehoopt

 

Nu meetti / soe weetti / waer dat vaert

40

geen mate en is vol voort ouer loopt

 

 

 

Prinche

 

 

 

Vrylic / tis noch tylic / boret vat wel ^{41 41}

 

want den wyn / goet ende fyn vindi ghestoopt

 

Vromelic volcomelic laet lopen tvat snel

 

ende ommer / goet slommer / men rooskens droopt

45

wat claer / voerwaer / weetti noch dat wel

 

geen mate en is vol voort ouer loopt

+ Fol. 44 (xxxiii)

31 blommekens met doorgehaalde s

41 na tis doorgehaald ty

41 vat geschreven boven het doorgehaalde tgat