Refereinenbundel, Anno 1524

[p. 69]

Refereijne XXXV
Doe loich ic dat ic bersten wil

VEnus ionckerkens die dus lopen en drauen
vast runnende nu hier nu daer
Erbeijde als die verwilde slauen
om die alderliefste te comen naer
Sy wasschen sy kemmen sy gheelen thaer
om die liefste daer mede te behaghen
Thert hem dicwil is in vaer
als sy van lieften horen ghewaghen
Als icse dan sie queetsen biesen ende iaghen
mit allen niet wetende van venus ghescil
Soe loich ic dat ic bersten wil

Als sy comen daermen danst en sprinct
ende men daer drinct vanden edelen claren
⁺Die alderliefste men te voeren scinct
soe en weten sij niet hoe ghebaren
Thert quelt hem sy syn in varen ¹⁶
oft daer een ander mochte lieuer sijn
Haer seluen en dorren sy niet openbaren
des lyden sy int herte grote pyn
Als icse daer droiuich sie int aentschijn
ende sy mit allen syn opten til
Soe lachic dat ic bersten wil

Herpen luijten pijpen tambueren ²³
brenghen sy snachs voer haer liefkens doeren
Daer staen si vast en duken en cueren
hopende die liefste salder comen voere
Van coude soe verliesen sy haer coloere
half twyuelende daer is een ander in

+ Fol. 48^v (xxxvii^v)

16 de m van hem verb. uit n

23 de r van Herpen boven den regel bijgeschreven.

[p. 70]

 

Nochtans jaghensi eenpaer vast opten spoere

30

peynsende van geluc sy groot ghewin

 

Als ic dan sie dit gehaspel ende gespin

 

carmen claghen thert is van druc in scil

 

Soe lachic dat ic bersten wil

 

 

 

Prinche

 

 

 

Die dus den scijs van venus verpachten

35

selden syn sy wel gherust

 

Venus vier doet hen versmachten

 

des en hebben sy moet noch lust

 

⁺Als icse dus sie van minnen onbelust

 

voer oghen hebbende den bril

40

soe lach ick dat ic bersten wil

+ Fol. 49 (xxxviii)