Refereinenbundel, Anno 1524

[p. 95]

Refreijn L
Sulck hoy volcht nu den paerden nae

Het volc dat claecht al meest groot en smal
die werlt wert bijster men vint gheen gelt
Meyskens worden gebrocht veel inden val
mit hopen van haerder eeren ontstelt ⁴
Dwort soe ghemene datment niet en telt
oncuysheyt vermeert reynicheyt sietmen veruaren
Elc is nu mit houerdyen ghequelt
alst blykende is int openbaren
God wil reyn herten altyt bewaren
dat eerbaerheyt in haer volherdich stae ^10
+Jonghers en wilt v niet om houwelic paren
sulc hoij volcht nu den paerden nae

Opent v oghen wilt merckelyc vaten nu
hoe net hoe gent sy syn van draghene
Dese ionghe neyskens van haren ghewate nu
om die ghesellikens wel te behaghene
Juecht is vruecht wellust claghende
duer welc thert crycht sterck verweetsel
Mer wter natueren soe syn syt waghende
dukende stukende onder venus decksel
Alle wellust verwint der minnen trecsel
en dan wordet dafkeren somtijts te spae
Dus coomter vele inder liefden vergecksel
sulc hoij volcht nu den paerden nae

Besiet dese meijskens van herten lustich
die net van ghewate sijn bedocht
Juecht geeft te kennen den mont seer rustich
dat schoon voort ghedaen is is half vercocht

4 de r van eeren in de plaats van een doorgeh. letter boven den r. bijgeschr.

10 na haer een doorgehaalde l

+ Fol. 64^v (liii^v)

[p. 96]

 

Sij draghen haer scoinkens soe gent gheknocht

30

sijen stertelen silueren ringhen en naelden is hen dincken

 

een halsdoicksken mit gulden naelkens gewrocht

 

ende die borstkens duer die doixkens blincken

 

Dan peysic mocht ic den meyskes den wyn noch scinken

 

want tes een venus daer sy op derde gae

35

⁺Dus comet vast wt op een mincken

 

sulc hoy volcht nu den paerden nae

 

 

 

Prinche

 

 

 

Meyskens syn sdaechs simpel sauonts bly van gelate

 

en smergens vroich misse horen dats wel ghedaen

 

En besoicken ons vrouwe daer ic vruecht in vate

40

te scaffen daerse om ix maenden oflaets gaen

 

Derwerts lopen op ghesnuijt als poppen die te coop staen

 

want taeweken moet tperdeken nu rysen

 

Och tsyn al perren die buten scoon en binnen tverrot slaen

 

mit vingheren sietmen op hen wysen

45

Boeuerye spreken dats datse prysen

 

geen vermaen en is van goeden rae

 

Al syn sy cleyn geboren sy willen mitten hoochsten rysen

 

sulc hoy volcht nu den paerden nae

+ Fol. 65 (liiii)