Refereinenbundel, Anno 1524
(1930)–Jan van Stijevoort–
Auteursrecht onbekendReffereijn LXXII
| |
[pagina 138]
| |
15[regelnummer]
Als ic dan ouerdencke die grote vruecht
Ga naar margenoot+mijn siele verhuecht
die wij te samen dick hebben gheploghen
Waer doer ick crencke myn ionghe iuecht
soe ghy weten moecht
20[regelnummer]
om dat my die liefte dus heeft bedroghen
Alle sijn beloften vindick gheloghen
dies ic verdwyne als snee byden viere
Die blou huijcke heeft hij mij aen ghetoghen
dies ic bliuen moet in groten dangiere
25[regelnummer]
Valdi te mywert dus putertiere
sondercause ghelijck een dwase
Hij ja myn lief seyt hij dat waer per diriere
wat vintmen menighen leepen hase
Hij gaf mij scoon woorden wel mer anders niet
30[regelnummer]
dus eest gheschiet
mer mit loghenen heeft hy thoot ghebonden
Want hy een ander el wel lieuer siet
dits my een swaer verdriet
nochtans moet ickt verdraghen tot allen stonden
35[regelnummer]
Vol der ontrouwen heb ick hem gheuonden
o leepaerts bedrieghers van allen vrouwen
Dobbel van herten gheueynsde gronden
in wien sal ic nu stellen myn betrouwen
Ick wilde sy saten al sout my berouwen
40[regelnummer]
sulcke mans totten hals toe inde mase
Sou ic dincken dat die mans soe syn souwen
wat vintmen menighen lepen hase
Ga naar margenoot+Prinche
Blijft ghetrouwich uwer vrindinnen
wilt die minnen
45[regelnummer]
dit te segghen ic mij twint en veynse
Goet eere machmer oeck niet winnen
dit moetty kinnen
| |
[pagina 139]
| |
als ghy op plumenberch aenueert die reijse
Al sydi nu binnen uwen paleijse
50[regelnummer]
ballinck in uwer vrouwen camere
Lijdt v soe leefdi tsamen in peijse
en alst pas geeft smeedt dan mit venus hamere
Want ghij en vint toch gheen bequamere
en hout my woort vry voer geen vise vase
55[regelnummer]
Soe en derfse niet segghen mit groten iamere
wat vintmen menighen leepen hase
|
|