Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Reffereyn LXXVIII Wat vintmen menighe leepen hase Als alle ghenuechte was int saysoine die velden ghecleet scoon ende groijne ghinck ick een wandelen alleene Lustich was den tyt in syn doene 5[regelnummer] dies hem verblyden alle dierkens coene en alle voghelkens int ghemeene Ick peysde vast op menich dierken reene eerst op den hase in synre natueren Die springende springt drie sprongen niet cleene 10[regelnummer] als hy syn legher ruymt telcker uren Om verdriet te scouwen dit syn syn cueren noch heefthi meer vreemtheyts vaet wat ic prase wat vintmen menighen leepen hase Int ouerdincken hadick melodije 15[regelnummer] vast nederwaerts siende aen deen sije sach ic een man int coren vast cruypen Ick docht wat sal dees bedriuen biden tije oft hy hier quackelen wilt vangen int wije Ga naar voetnoot18 mit dien sach ic een vrouken nae sluypen
[pagina 150]
20[regelnummer] Tjan dochtic dat en is gheen dupen Ga naar margenoot+die sulcke bloimkens int coren can plucken Ick sach sy begosten den wyn te supen wt een silueren scale hoort dees stucken Vol van vruechden tmocht hem daer ghelucken 25[regelnummer] niet wetende dan van groten solase wat vintmen menighen leepen hase Nae veel cussens en tookens soe ic versinne ghingen sy een stuck te coornwerts inne en wrochten in venus acker soit 30[regelnummer] Een ander leepaert tot syn ghewinne die crooper mit listen naer ten beghinne en stack die scale in syn boisem mitter spoit Hem pynende van daer tdocht hem goet eer sy hem sien mochten / vaet myn ghewaghen 35[regelnummer] Int keren worden die amorueskens vroit onnoselick sy op malcandere saghen Ga naar voetnoot36 Ende doen schieden sy vol claghen doen was hen solaes al vieseuase Wat vintmen menighen leepen haze Prinche 40[regelnummer] Dees leepaert mitter scalen ginck tot eens goits mans huys een paer cousen halen en wou borghen acht daghen of thiene Dander sey soict gelt sonder dralen doen sey hy siet hier pant sonder verhalen 45[regelnummer] Ga naar margenoot+en begost hem die schale te laten siene Hy gaf hem die cousen om clappagien te vliene en hilt die scale die leepaert ghinck van daer Daer hy dnaeyrsken vant reyn van bespiene ende hy cocht twe hemden van haer 50[regelnummer] En seijde een silueren scale voerwaer vindi tot deese mans huys niet van glase Wat vintmen menighen leepen hase	voetnoot18 na hy is(een lange) s doorgehaald. margenoot+ Fol. 97 (lxxxix) voetnoot36 Boven de laatste e van malcandere staat een punt. margenoot+ Fol. 97^v (lxxxix^v)

Vorige Volgende