Refereinenbundel, Anno 1524

[p. 214]

Reffereyn CVII
Neent / of die gheleerden syn lueghenachtich

Eere spreeckt aristoteles duert beuroeyen ¹
es tmeeste van allen wtwendighen goeyen ²
tvoetsel daer alle duechden duer groeyen ^1-3
en tloon siet van allen wercken eerbaer
Profyt seet soe veel nae sint thomas vermoeyen
als voerspoet of voortganc dat ewich moet bloeyen
niet achterrugghe keren sonder vernoeyen ⁷
mer tot een goet eynde brenghen de voerwaer ^4-8
Eere bringt profyt in seyt Cicero claer
mer sonder eer was noijt profijt verworuen
Theeft wel siet een profytelick schynsel / maer
int eynde vintmen tspeel heel bedoruen ^9-12
Exemplum aen iudas onsalich ghestoruen
sou dan iet oneerlick profyt syn warachtich
neent / of die gheleerde syn lueghenachtich

Tsueckt al meest profyt nu datter ter werlt leeft
mer al niet / met eeren / hier om sulck sneeft
ten fyne / alst corts lacen ghebleken heeft
oneerlick dbeghin / omprofytelick dinde ^16-19
Natuere en vermachts niet die ons aen cleeft
⁺redene met eere ghetuychenis geeft
trecht geestelic / werlick / daer doneere voer beeft
en cans oec niet ghehinghen / soe ic vinde ²³

1 aristoteles rood onderstreept.

2 het verkortingsteeken boven de laatste e van tmeeste is doorgehaald.

1-3 in marg. l. Ethicorum 4^o |||| honor est maximum |||| exteriorum bonorum

7 het eerste staafje van de m in vermoeyen is doorgehaald.

4-8 in marg. r. ibidem |||| honor est benefactine |||| indicium |||| honor cujuslibet virtutis |||| premium |||| honor vberrimum vir |||| tutis alimentum

9-12 in marg. r. Cicero officiis 3^o |||| Quidquid honestum id utile |||| nec utile esse quidquam (potest doorgehaald) |||| quod non fit honestum |||| ibidem

16-19 in marg. r. Ambrosius |||| boni et mali omnes |||| simul querunt |||| utilita |||| tem

+ Fol. 134^v (cxxvi^v)

23 de eerste e van ghehinghen boven het woord bijgeschr.

[p. 215]

 

Profyt sonder eere noyt scriftuer en kinde

25

doerleest de bybele / jesten / en boicken ^21-25

 

Minne most verdreuen sijn / en in allinde

 

pays en vrede veriaecht / wt swerlts hoicken

 

Oftmen dan iet mach profytelick soecken

 

sonder eere / ic segghe siet broeders eendrachtich

30

Neent of die gheleerden syn loeghenachtich

 

 

 

Lortsernye sietmen goet cryghen / en saken

 

woicker / diefte dobbelspeel schynen rijc maken

 

nochtans en sietmen daer gheen eere blaken

 

dus schijnt yet sonder eere profytelick

35

Die kerne sal al tonprofitelick smaken

 

wat profyt ist spreect god hoe wel wy geraken ^33-36

 

aen al tgoet des werlts / en die helsche draken

 

sullen ziel en lichaem syn verbytelick

 

Salomon spreect in prouerbys vlytelick ³⁹

40

soict eere / vindyse / profyt hebdi vonden

 

Schoudi / dat deere valt teghen verwytelick ^39-41

 

profyt sal beclyuen / by v tallen stonden

 

Oft dan es moeghelic naer sots oorconden

 

dat iet mach profyt syn / daer deere valt clachtich ^42-44

45

Neent of die gheleerden sijn loeghenachtich

 

⁺

 

Scerprechten / scoorsteen veghen / rumen die secreten

 

sulc wil daer oneere / en profyt in weten

 

ja nae houerdye ter werlt gheseten ⁴⁸

 

mer doensyt rechtuerdich / tes profyt en eere

21-25 in marg. l. Cicero officiis 3^o |||| neque vero hoc solum |||| natura jure gentium |||| sed etiam legibus popu |||| lorum hoc enim etc.

33-36 in marg. l. Luce ix^o |||| quid prodest homini si |||| universum mundum |||| lucretur etc.

39 Salomon rood onderstreept.

39-41 in marg. l. honorem estatis si |||| amplexus fueris |||| utilitatem sinceram |||| inuentam credas |||| ibidem

42-44 in marg. l. fuge turpitudinem |||| ... tue commodum |||| numquam deesse possit

+ Fol. 135 (cxxvii)

48 de y van houerdye verbet. uit ie

[p. 216]

50

Het reynste ambacht / tconstichste ghequeten ^48-50

 

dbeste officie / tgrootste onghemeten

 

syn dees duer onrechtuerdicheyt verbeten ^50-52

 

omprofytelick syn sy / in elcke keere

 

En ooc oneerlick / tsy vrouwe / of heere

55

diese hanteert / hem naect dewyghe pijn

 

Merct daer rechtuerdicheyt is / los van verseere

 

daer moet duecht / eere / en profyt ooc syn

 

En goet loon oec voer werken / inden lesten fyn

 

sou dan profyt syn sonder eere machtich

60

Neent of die gheleerden syn loeghenachtich

 

 

 

Prinche

 

 

 

Gheen dinck ter werlt noch soe scoon noch soe goet ⁶¹

 

dat warachtelick profytelyck syn moet

 

ja faelgeert daer deere / twort al tegenspoet

 

als sne in die sonne / eest ongheduerlick ^63-64

65

Merct acham / giezi / saul / achab / onuroet

 

sy meenden profyt hebben vonden soet

 

mer onsalichlyck versmoorden sy in haer bloet

 

leest de bibele / daer vindyt scriftuerlick

 

Profyt geeft planteyt van vruechden seer puerlic

70

goet beghin / goet eynde / suet salich en sachtich ^65-70

 

⁺Ja of die gheleerden syn loeghenachtich

48-50 in marg. r. Ambrosius |||| Quod iuste fit in hon(ore bij het binden afgesneden) |||| esse non possit

50-52 in marg. r. Aristoteles |||| Sine iusticia nichil est |||| quod utile sit

61 goed boven noch soe geschreven.

63-64 in marg. r. proverbiorum xxvi^o |||| Quomodo nix in estate pluvia |||| in messe etc.

65-70 in marg. r. iosue vii^o |||| De acham latius ibidem |||| regum iiii^o. ca^o. v^o |||| de giezi latius ibidem |||| regum iii^o. ca^o. xx^o |||| De achab latius ibidem |||| regum 1^o li ca^o xv^o |||| De saule latius ibidem

+ Fol. 135^v (cxxvii^v)