Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Refferey CXXV Almoghende God ontfermt v myns O Jesus cristus wat sal ick bestaen ic en der myn oghen niet op v slaen Ga naar voetnoot2 Ga naar margenoot+so grote is vrese in my ghehecht Daer ic v sie aent cruce beuaen 5[regelnummer] handen voeten / ende syde ondaen om mynnen wille ellendich knecht Ga naar voetnoot6 V hooft mit scerpen dornen duerulecht v leden soe jammerlijck berecht dats elcken sin / mach druck ontfaen 10[regelnummer] Segt herte / hoe en weendi niet secht daer god soe deerlyken duer dij vecht hoe dordy dus sondelick voer hem gaen Myn aenschyn wordt mij al een traen ic kenne mij seluen soe vol venijns 15[regelnummer] almoeghende god ontfermt v mijns Hoe soude mij / therte sijn te vreden daer ic v in deser ellendicheden aen tcruce soe jammerlick hebbe vonden Mit suchtender sielen mit ghereckten leden
[pagina 264]
20[regelnummer] ghedoornt te lxxii steden Ga naar voetnoot20 ghegeselt bespoghen / gehanghen ghebonden Ga naar voetnoot21 Mit ghescuerden adren / mit sijpende wonden mit roepender stemmen / mit onghesonde mit wenender oghen / mit innigher beden 25[regelnummer] Ga naar margenoot+Mit speersende bloide / mit senuwen gescronden mit steruende herten / wie soude gegronden die pijne die v die joden deden Mit ghelate vrienden / mit viande bestreden soudic bewenen / lacen myn vermanen Ga naar voetnoot29 30[regelnummer] mij ware van node een zee vol tranen O soone goods in uwer ellendigher pijnen begaf der sonnen claerheijt haer schijnen die erde beefde / die steenen spleten Ten tempel scuerde die gardijnen 35[regelnummer] sterre mane stont int verdwijnen der enghelen rouwe was onghemeten Sij verresen die doot waren / ende vergheten inde lucht was groot gheroep gheseten soe ons orconden die heijlighe doctrijnen 40[regelnummer] volcomen was tsegghen vanden propheten noijt en was sulc verdriet gheweten elc is beladen mitten sijnen Hoe mach ic sondare lachen of grijnen daer ick v kenne in deser noot 45[regelnummer] scoffierlick ende dalder bitterste doot Nu en can ic van scaemten niet meer spreken Ga naar margenoot+tis recht dat mij die oghen leeken want ic cause bin van dit bitter lijden Ende come voer dijnen oghen ghestreken 50[regelnummer] walghelic ende vol sonden ghesteken soe veele tghetal moet ick vermijden Myn sonden sijn meerder nu ten tijden
[pagina 265]
dan tzant der zee in allen sijden of dan oijt sterren aenden hemel bleken 55[regelnummer] Ic en der mij uwen name niet laten ontglijden hoe mach ick mij emmermeer verblijden ic kenne mij seluen te vol ghebreken O vader ghi en hebt noyt niemant besweken wilt doch aenscouwen myn bitter leet 60[regelnummer] jc bin om beteren al bereet O crachtighe doot ghebenedijt o doot die des sondaers versoeninghe syt o doot die tsvaders gramscap slaecte O doot verdrijf des viants nijt 65[regelnummer] o doot die onse ellendighe sijt o doot die cristus selue smaecte O doot die doude vaders ontscaecte o doot daer den hemel by op gheraecte o doot noijt swaerder ter werlt wijt 70[regelnummer] O doot daer ons soe vele bij naecte Ga naar margenoot+o doot die ons die vrientscap maecte o doot ghedenckelyke ter ewigher tijt O doot die mij die ziele duersnijt dies bid ic v jesus vol ghenaden 75[regelnummer] laet mij v bitter doot staen in staden O iesus uwen name sij ewich verheuen hi can verlatenisse van sonden gheuen hij can vercrijghen svaders gracie Hij can doen onse vianden beuen 80[regelnummer] hij can ons brenghen int ewich leuen hij can verdriuen alle sondighe nacie Hy is int hooren een confortacie hy is int herte een iubilacie hy is inden mont een honich beseuen 85[regelnummer] O iesus ick en wille gheen langer spacie myn ziele gheert mit v recreacie laet mij van v niet sijn verdreuen V lijden staet soe in mij ghescreuen
[pagina 266]
mer ic bin vol quaetheden sonder enden 90[regelnummer] ic en weet mij van rouwen waer wenden Ontfermhertich coninck sonder ghelijke Ga naar voetnoot91 o gherechtich coninck die niemant en wijke Ga naar voetnoot92 Ga naar margenoot+o moeghende coninck / sonder verwinnen O coninck der ewicheyt / sonder swijke Ga naar voetnoot94 95[regelnummer] o coninck alle coninghen te rijke o coninck der maechdelijker sinnen O coninck der hoechster coninghinnen doet mij verbernen in uwer minnen myn ziele die sterft / van groten versijke 100[regelnummer] Seynt doch mij der herten dou van binnen laet mij tperdoen uws lijdens innen dat ick der helscher pijnen ontstrijke Ghy hebt myn lichaem ghemaect van slyke mer myn ziele naer v figuere vercoren 105[regelnummer] en laet v ghelyke dan niet verloren Nu vader doer v grote trouwe ende doer uwer moeder bitteren rouwe laet uwen doot mij comen te baten Bespraijt mij mit uwer gracien douwe 110[regelnummer] dat ic myns selfs ghebreck aenscouwe ende mij naer uwen ghelieue mach saten Gunt mij uwe hemelsche honichraten bij sculden niet / mer bij caritaten ghij vergaeft doch magdalena der vrouwe 115[regelnummer] Ga naar margenoot+Haer sonden groot / duer haer mislaten ontfermt v dan / der kerstene staten Ga naar voetnoot116 wiens duecht noch lacen / valt op tflouwe Ick duchte den wech die wordt ons nouwe mer vader sijt ons int leste bereijt 120[regelnummer] doer v milde ontfermherticheijt A . - . - . M . - . - .. E .. .N	voetnoot2 de s van ist verb. uit ss margenoot+ Fol. 165^v (clvi^v) voetnoot6 (Ref. CXXV) nen van mynnen boven den regel bijgeschr. voetnoot20 de l van lxxii verb. uit het eerste ged. eener v voetnoot21 de tweede g van gehanghen verb. uit d en de tweede h uit e margenoot+ Fol. 166 (clvii) voetnoot29 de eerste e van vermanen boven den regel bijgeschr. margenoot+ Fol. 166^v (clvii^v) margenoot+ Fol. 167 (clviii) voetnoot91 boven de ij van ghelijke en wijke zijn eerst stipjes, naderhand streepjes geplaatst. voetnoot92 boven de ij van ghelijke en wijke zijn eerst stipjes, naderhand streepjes geplaatst. margenoot+ Fol. 167^v (clviii^v) voetnoot94 de eerste c van coninck niet meer zichtbaar. margenoot+ Fol. 168 (clix) voetnoot116 de e van staten onduidelijk.

Vorige Volgende