Refereinenbundel, Anno 1524

[p. 300]

Reffereijn CXXXVIII
Loff suuer maecht goods moeder vol eerden

Lof suuer dracht bouen alle drachten
Lof suuer van herten bouen ertsche crachten
soe suuer naest gode . noyt gheen gheraect
Suuer in dynre oghen scachten
suuer van gronde . ende van ghedachten
soe suuer noyt specie van sonden ghesmaect
Niemant in suuerheden also volmaect
besiet der leeraers leere al duere
Noyt en besondichde ghecleet noch naect
in v mer creecht dies puerheijt puere
⁺De cracht van sonden suuerste figuere
en conste v noijt naert ontfanghen deeren
Ghi mocht verdienen schoon creatuere
mer mer met verbueren tgheender hueren
lof suuer maecht goods moeder vol eeren

Wel sidy goods moeder reyn suuer gesicht
want tsvaders soone tgodlyke licht
is oeck v soone bouen alle begrypen
Nochtans / es svaders soone ongheswicht
v vader en ghy syt syn dochter slicht
alsoe vele als der godheyt mach aen nijpen
V moederlicheyt / die heeft doen rijpen
tsuer der druuen ende soetheyt ghegeuen
Al pepen alle der menschen pijpen
goods wille enten uwen syn eens ghescreuen
Dus sydy wel moeder van hem beseuen
duer syn onderdanicheyt tuwert keeren
Al hadde god plaghe op ons gheheuen
v moederlicheit heeftse saen verdreuen
lof suuer maecht goods moeder vol eeren

Tes recht / sydy vol eeren dan
ghy syt die suuerste die ye lyf ghewan

+ Fol. 190 (clxxxi)

[p. 301]

 

ende moeder goods bouen alle memorien

 

⁺Niemant soe vol eeren ghesyn en can

35

want ghy syt nu eweliken voort an

 

mit uwen soone hoochst in glorien

 

Mit ziele . mit lyue . tot welcker victorien

 

ende eeren . noyt niemant en quam dan ghy

 

O ciborie bouen alle ciborien

40

v veruulte van eeren soe vloedich sy

 

Dat wie v eert mit herten vry

 

syn werlyke eere . sal hier vermeeren

 

In salichede O vrouwe dus moeghen wy

 

mit deser groeten wel groeten dij

45

lof suuer maecht goods moeder vol eeren

 

 

 

Prinche

 

 

 

Princesse scoon . troon . loon vol minnen

 

soet . vroet . ghoet . bouen santen santinnen

 

verheuen . bleuen . neuen . soone en vadre

 

V oetmoet . doet . spoet . ons winnen

50

wie v groet . moet . behoet . bekinnen

 

ghescreuen . int leuen . daer beuen . te gadre

 

Veriaecht . gheplaecht . es moederlicste adre

 

elc ghewaecht . noet vroeder om ons gheneeren

 

lof suuer maecht goods moeder vol eeren

+ Fol. l90^v (clxxxi^v)