Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Reffereijn CLXXVII Wat ghj hoort oft siet muijst mer en mauwet niet Ga naar voetnoot+ TWe liefkens tsamen vergadert wesende stil heymelic ende niet te openbaer Die den boeck der minnen syn lesende voer nyders tonghen hebbende vaer 5[regelnummer] Also dan wesende tsamen een paer tockende jockende als venus kinderen Die vruechden des werlts dan hebbende daer Ga naar voetnoot7 smukende duijckende wacht v voer hindere Wilt sulcken tucspel toch niet verminderen 10[regelnummer] tsy van v seluen oft anderen hoort myn bediet Ga naar margenoot+Wat ghi hoert of siet muijst mer en mauwet niet Alsmen liefkens siet en mit malcanderen hoe soutment versmaden oft benijden Bringhende sommels dronxkens deen den anderen 15[regelnummer] tsamen bedect synde mit venus pijen Doen soe oeck ijet anders dat staet besyen wt vruechden en iuechden bij venus beuel Willet in tbesten keren doch tallen tijen syt sonder nijdt secreet valt zuet rebel
[pagina 92]
20[regelnummer] Dencket dat v ghebueren mochten syn wel tsy ionck oft out daerom wats v ghesciet wat ghi hoort of siet muyst mer en mouwet niet Ghy jonghers die tsamen loopt ghemene om venus mutsken al sonder sparen 25[regelnummer] Syt huechs van monde vertrect redene ghene daer naemael of comen mocht enich beswaren Horende weest dorende al sonder verclaren als Ouidius dat bescryft in syn vermonden Al ghebuert v ijet of yemant van uwen charen 30[regelnummer] weest secreet in allen stonden Men vinter die somtyts gheluc hadden vonden mer duer haer gesellen vermonden /syn comen int verdriet Ga naar margenoot+dus wat ghi hoort of siet muijst mer en mauwet niet Prinche Al mocht den sommighen gheluck gheuallen 35[regelnummer] sy en connen haer selfs quaet niet geheelen Oft van haren ghesellen sij en moetent vercallen al gout hen hen lyf en oeck haer keelen Mer die en syn niet weert te hebben beuelen te ghenieten venus gifte als Paris dede 40[regelnummer] Om te roseren oft te spelen in venus boomgaerdeken naer haer zede Dus weest secreet slutende myn reden daer mede wildi als Panphilus hebben venus gheniet wat ghi hoort of siet muijst mer en mauwet niet	voetnoot+ In den titel is niet boven den r. geschr. voetnoot7 de d van vruechden verb. uit een t margenoot+ Fol. 250 (ii^c xlii) margenoot+ Fol. 250^v (ii^c xlii^v)

Vorige Volgende