Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Reffereijne CCVIII Jck badt / sij weygherde / nou wou syt wel EEn amorues beelde seer bequame Verchiert in scoonheden sonder blame daer therte was jonchstich toe gheneghen Jck badt haer wt minnen als wel betame 5[regelnummer] Dat sij myn griefelic tormet of name want suchten kermen was al myn pleghen Ga naar voetnoot6 Ende sonder haer wat batet ghesweghen en mocht mij gheen troost gheboeren Sij sprac wat acht ic uwer onseghen 10[regelnummer] Ga naar margenoot+wildj niet blij sijn ghij muecht trueren Jck bad o liefken merckt mijn dolueren sij sprack cleijn soe acht ick v ghequel ic badt / sy weygherde / nou wou sijt wel Op mijn propoost niet af latende 15[regelnummer] Sprack ic lief syt minlyke woorden vatende claer ic bemin v bouen alle vrouwen Warachtich seijd sij twert v cleijn batende
[pagina 154]
Vermaenter niet of sijt v satende ick ontsegghe gheheel int schouwen 20[regelnummer] Siende versteken liefde vol trouwen soe quam ic andersins daer myn liefde cleefde Ende daer mijn jonst wort vergouwen die therte in melodyen leefde Die ic eerst badt / haer herte beefde Ga naar voetnoot24 25[regelnummer] horende dat ick vruechd had ende spel ic badt / sij weijgherde / nu wou sijt wel Hoe langher hoe lieuer duer liefs ontfanck Jck leefde blijdelic ic sanck ick clanck hanterende solaes spel ende jolijt 30[regelnummer] Die ic eerst seer badt haer hert wort cranck Berou hebbende haerder woorden stranck wel willende sijn in mijn berijt Doe dacht sij hoe mocht ic soe groten spijt Ga naar margenoot+hem doen / die mij mit herten minde 35[regelnummer] Nu heeft een ander van hem profijt tfij dat icks noijt en versinde Tcoomt wel dwelc ic aen mij seluen vinde dat vrouwen somtijts vallen te rebel hy badt / ick weijgherde / mer nu wou ict wel Prinche 40[regelnummer] Steruen leuen goet ende eere Sou menich minnaer wt liefden seere der liefster gheuen al waert versmaet Daer by en blyft in liefden nemmermeere Daermen v cleijn acht onthout myn leere 45[regelnummer] duert niet te langhe mer in tijts af slaet Jck diende laes sonder confoort of raet dit siende stelde ic een ander int herte Die mij noch daghelicks in werck in daet conforteer ende verlost van smerte
[pagina 155]
50[regelnummer] Om datse dwitte aldus int swarte keren / seggick duert voer stel ic badt / sy weygherde / nu wou sijt wel	voetnoot6 het eerste staafje van de m in kermen verb. uit eene onvolmaakte e margenoot+ Fol. 288^v (ii^c lxxix^v) voetnoot24 te van haerte doorgehaald. margenoot+ Fol 289 (ii^c lxxx)

Vorige Volgende