Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Ga naar margenoot+REFFEREYNE CCL Loff alder bedruckste moeder ons heeren Al had ick alle die giften van alle propheten ende oeck die wijsheijt van allen dottoren Soe waert my onmoeghelick te weten dat ic ghenoech soude bringhen voren 5[regelnummer] Van die bloeme vol gracien wtuercoren maria goeds moeder ghebenedijt Ter werelt en machmen niet beter horen dan van haer heilich leuen in deser tyt Minclyke Maria ghy die de bedrucste syt 10[regelnummer] tot seuen plaetsen in v liefs kints leuen In allen volstandich hebdj v ghequijt den bitteren druc in v herte ghescreuen Wie soude maria te vollen lof gheuen alle tonghen moghen segghen thaerder eeren 15[regelnummer] lof alderbedrucste moeder ons heeren Maria ghij quaemt ootmoedich ten tempel opten viertichsten dach warachtich
[pagina 229]
Alle menschen geuende goet exempel ghij offerde Sijmeon den heere machtich 20[regelnummer] Inwendelick alle die woorden indachtich sijmeon die hem verblijde in Jesu suet Hij seijde v dwelc was om horen clachtich Ga naar margenoot+des droifheijts swert v ziele doersnijden moet Bedruckte Maria dus wordt ghij eerst gegroet 25[regelnummer] wiens droifheyt bouen alle druck is beuonden Mits drucke groot verscrickte v moederlic bloit also dat die scrifture wel can oorconden Dus machmen wel vermanen tot allen stonden haren druc die sy droich onder haer gheeren Ga naar voetnoot29 30[regelnummer] lof alder bedrucste moeder ons heeren O bedrucste moeder doen ghij moest vluchten met Jhesum ende Joseph in egipten lant V hert vol droifheyts vol sorghen vol suchten die hem doen vlien most vanden tijrant 35[regelnummer] Peyst hier om ghij menschen opent v verstant die knecht wil nu den meijster brenghen ter doot Wreeder man men noyt ter werlt en vant Maria bedecte Jesum in haren scoot Die wildernisse was woist / lanc / breet / en groot 40[regelnummer] men vant tdaer sober van eten en van drincken Met haer kint was maria in druc in noot Ga naar voetnoot41 wie sou die droifheyt alle connen bedincken Int ouerpeijsen alle druck moet sincken aenmerckt dit ende wilt deuocie leeren 45[regelnummer] loff alder bedruckste moeder ons heeren Eij lacen maria ghi most wel trueren doen ghy socht drie daghen v kint Ga naar margenoot+Druck op druck most v lacen ghebueren v siele doen smert leet die dit wel versint
[pagina 230]
50[regelnummer] V kindeken bouen al was van v bemint dies was v herte vol droifheijts ende pijne V deerde wee dus droiflick beghint Jesum te siene was v een medicijne Daer hij was lerende die suete doctrijne 55[regelnummer] hem seijdj o kint wat hebdj ons ghedaen V deruen doet ons beijden in drucke sijne ootmoedelic ter stont is hij mit v ghegaen Dees droifheit heeft Maria in haer hert ontfaen van druc en mocht sij haer gheensins keeren 60[regelnummer] lof alder bedrucste moeder ons heeren O moeder vol droefheijts wat most ghij lijden siende uwen lieuen sone sijn cruce draghen Die joden vielen hem seer lastich aen allen sijden Ga naar voetnoot63 mit stoten / mit trecken / mit harden slaghen 65[regelnummer] Wie soude Maria te vollen beclaghen tusschen twe mordenaren ghinck haeren lieuen sone Noijt gheen soe bedructe tot ghenen daghen v sone ghecroont mit een doorne coone Die hij te draghen was seer onghewone 70[regelnummer] van allen ghelaten sonder v allene Dit was voer voerleden duecht sijnen loone die hy den joden ghedaen hadde int ghemene O maria dus ghinct ghy in bitteren weene Ga naar voetnoot73 Ga naar margenoot+bedruct vol rouwen in droifheijts cleeren 75[regelnummer] lof alder bedrucste moeder ons heeren Och hoe was bedruct v moederlick herte siende Jesum ghenaghelt aenden cruce swaer V siele leet doen die aldermeeste smerte doen Jesus seijde siet v kint al daer 80[regelnummer] Joannes mijn discipel neemt v moeder waer totter menschen salicheyt hem dorste doen meest Bedrucste moeder noch hoorde ghi openbaer
[pagina 231]
vader in uwen handen beueel ic mynen geest Die joden bleuen verhert ende onbeureest 85[regelnummer] longinus ghinc noch Jesus herte duersteken Hoe vol drucks hebdj daer gheweest van meelijen mach elcken sijn oghen wel leeken Want die wreetheyt niet wel en is wt te spreken van die wilde joden versteent als beeren 90[regelnummer] lof alder bedrucste moeder ons heeren O suete Maria hoe was v te moede als ghi Jesum voer v doot hebt gheleijt Mismaect mishandelt nat van bloede oueruloeijende tranen hebdij doen ghescreijt 95[regelnummer] Mit bedructer herten hebdj gheseijt siet hier donnosel lammken van sonden vrij Mensche dees pijne was mij soe bereyt duer v dus coomt doch en helpt claghen mij Dyn scepper aensiet hoe vol wonden is hij 100[regelnummer] Ga naar margenoot+mits v sculde is mijn kint ter doot gheraect Myn vriendekens staet mij doch mit tranen bij ende siet mijnen sone uwen god mismaect O alle menschen desen druck wel smaect welcke druc dede Maria seer deeren 105[regelnummer] lof alder bedrucste moeder ons heren Die seuenste wee is nu die leste daermen inde heijlighe kerck of hout Sij namen uwen sone die alder beste dies uwen druck dubbeleerden menichfout 110[regelnummer] Mits tsceijden van hem wordt v herte cout want die ghij beminde most ghi doen deruen Aensiet Marien druc nu / wys / ionck / en out Ga naar voetnoot112 mit haren sone begheerden sij te steruen Therte wilden aen stucken keruen 115[regelnummer] twas haer seer pijnlic haren soon te laten Wie sou die gracie moeghen verweruen
[pagina 232]
om desen druck volcomelic te vaten Dees droefheijt moet ons allen comen te baten op dat wij hier nae in vruechden verkeeren 120[regelnummer] lof alder bedrucste moeder ons heeren Bedructe moeder bouen alle vrouwen in dees seuen hebdj veel drucks gheleden Wilt ons duer uwen druc bescermen van rouwe ende voerden ewighen druck beureeden 125[regelnummer] Helpt ons wt allen druck mits v ghebeden wilt den bedructen doer uwen druck ontfermen Ga naar margenoot+Ghy hebt alleen den bedrucsten wech ghetreden bouen Jobs druck off Hieremijas kermen Den druckighen wilt toch alteenen ontfermen 130[regelnummer] wies druc bij niemant en es te ghelijcken Maria behoet ons voer druckich swermen des wij doch tot uwen druc moeghen wijcken Van druc ontlast ons dat voer god mach blijken des bidden wij v doer u druckich verseren 135[regelnummer] lof alder bedrucste moeder ons heeren Prinche Marien druck moet v comen in staten als ghi nootlickst selt hebben te doene Ende metter doot selt wesen belaten als dat ghi ontslaghe wort goods soene Ga naar voetnoot139 140[regelnummer] Van god willecooms als vroom campioene daer elc sal vruechden sijn ontfanckelick Aerts hertoghe Philippus die vroom was en coene des moghen wij alle wesen danckelick Syn herte hier inne niet en was wanckelic 145[regelnummer] deuotelic heeft hij dese ween beghonnen Sij siele hoepic en heues niet cranckelick Ga naar voetnoot146
[pagina 233]
marie druc wil hem blijscap gonnen Dat hij der helscher pijnen sij ontbonnen want wij den druc niet en connen verweeren 150[regelnummer] lof alder bedruckste moeder ons heren	margenoot+ Fol. 333 (cccxxvi) margenoot+ Fol. 333^v (cccxxvi^v) voetnoot29 de o van onder verb. uit e voetnoot41 na druc is soo doorgehaald en in erboven bijgeschreven; vóór noot is c doorgehaald. margenoot+ Fol. 334 (cccxxvij) voetnoot63 de m van hem verb. uit e voetnoot73 de u van dus verb. uit eene onvolm. e margenoot+ Fol. 334^v (cccxxvij^v) margenoot+ Fol. 335 (cccxxviii) voetnoot112 en van Aensiet boven het woord bijgeschreven. margenoot+ Fol. 335^v (cccxxviii^v) voetnoot139 de eerste e van soene boven het woord bijgeschreven. voetnoot146 het verkortingsteeken boven de tweede e van heues doorgehaald.

Vorige Volgende