Refereinenbundel, Anno 1524

(1930)–Jan van Stijevoort– rechtenstatus


Reffereyne CCLII Lof hostie god leuende vleysch en bloit Ga naar margenoot+WAnneer / hoe / waer / wat / wil ic bedrijuen wilic swyghen / of spreken / hoot der cattijuen Wilic begrijpen in wien tbegrijp moet blijuen
[pagina 236]
wat wil ic mij poghen 5[regelnummer] This bouen tvermoghen alle wesens bekent Natuere verscrict / mijn gheesten kijuen Ende vier sinnen / faelgeren mij vanden vijuen Scriftueren vindic in al haer scriuen 10[regelnummer] perfect int toghen Natuere bedroghen en figuere blent Ende bouen al hoe sal ic sondaers mont violent lof spreken die al dat es heeft ghescepen 15[regelnummer] Dat sijdi o Jesu hier minlick present God leuende vleys bloit te samen gheprent Sonder twyfel int heijlich sacrament als hostie in broots schijn onuernepen o leuende Jesu mit oghen bezepen 20[regelnummer] Van tranen bid ic v verleent mij spoet Ende verlicht mijn sinnen seer bot gheslepen Dat ic v ter eeren mach segghen onbegrepen lof hostie god leuende vleysch en bloet Loff hostie reyn broot sonder smettich tempeest Ga naar voetnoot24 25[regelnummer] Van eel maechdelic bloet doerden heiligen geest Ghewracht en naemaels int cruce beureest ghebacken doerwont Ga naar voetnoot27 Ga naar margenoot+In v scuijlt den gront van veel wonders crachtich 30[regelnummer] Vleysch ziele en godheijt in een volleest O inghels broot die scepper wert mensche meest Om dat de mensche sou eten smaect den keest v broijken ghesont Soe Augustinus vermont 35[regelnummer] wijs en voordachtich Lof hemels broot drieuoudich des smaecks warachtich Ga naar voetnoot36 drieuoudich wouden wij in v mercken
[pagina 237]
Eerst die machtighe weerde der giften machtich Die edelheijt des gheuers milde deelachtich 40[regelnummer] Ende deerbaerheit van dyen ontfaet niet clachtich Ga naar voetnoot40 tbegrijpen passeert alle begrypen der clercken O Helijas coixken / o schat der kercken broot der ganghers voetsel machtich en goet Spijst hier ons pelgrims vol dolender wercken 45[regelnummer] Dat wij segghen moeghen om v lofs versterken lof hostie god leuende vleijsch en bloet Lof hostie god machtich volmaect en groot God godheit ontsprekelic van allen thoot Onbegrijpelicheyt warachtich es in dit broot 50[regelnummer] mer trouwen peyst niet Dat dit dus gheschiet doer des broots verkeeren Ga naar margenoot+Oft wt crachte des sacraments oeck bloot Ga naar voetnoot53 Mer wt reaelder naeuolghentheit groot 55[regelnummer] Want tlichaem daer god eens syn godheyt in scoot hy noyt sint en liet Ende dit verandert siet in dit broot vol eeren Want dan dlicham perfect eel sonder verseeren 60[regelnummer] duer tconsacreren des priesters hier rust vorwaer Soe en wilder de godheit niet van verheeren Mer warachtich tsamen soe ons die doctoren leeren God en mensche rust tsamen niet om vermeeren in dit hoghe misterie om gronden swaer 65[regelnummer] Lof verscrickelijke offer / lof godlick outaer lof sienlyke specie volmaect en soet Mer onsienlike gracie /god mensche claer Ic moet v noch segghen niet sonder vaer lof hostie god leuende vleijsch en bloet 70[regelnummer] Lof leuende lichaem perfect van leden Want de waerheyt sprac van v broot goet besneden
[pagina 238]
Daer is myn vleys myn bloet dus leeft in vreden want daer tbloet onghepraemt Metten vleijsch versaemt Ga naar voetnoot74 75[regelnummer] es tleuen gheresen Tbloit is de stoel der sielen die des vleys seden Verlicht / want dan siel en lichaem hier ter steden Versaemt sijn / wy hier wel goods sone aenbeden Ga naar margenoot+en waer sone ghenaemt 80[regelnummer] Daer vader ongheblaemt ende daer geest ghepresen Waer een daer drie / daer godheit / daer wesen ende waer drie daer een ja alst hem behaecht Ga naar voetnoot83 Lof wonderlic wesen ons doots ghenesen 85[regelnummer] Onbegrypelic int peysen / spreken / lesen Soe de sinnen int gronde falen in desen moet de tonghe mit vollouen bliuen versaecht Lof leuende broot / lof sone der edelre maecht lof lammeken welc suuer ghenut syn moet 90[regelnummer] Ic erm sondaer wel wert te syn gheplaecht Op myn knijen v segic als voren ghewaecht lof hostie god leuende vleijsch en bloet Lof vleysch warachtich goeds habitacie Ontsterfelic leuende vrij fundacie 95[regelnummer] Wort vleijsch ghemaect hoghe werde nacie vleijsch suete spijse Soe met auijse johannes sexto spreect Vleysch ewelic moet nutten sonder fallacie 100[regelnummer] Elc redelick dier op deuwighe blammacie Ende die v nut vint die hoochste gracie v vleysch van pryse Groot van bewyse aent cruce ghereckt 105[regelnummer] Lof accident wonderlic sonder subiect
[pagina 239]
Ga naar margenoot+teghen natuere dwelc v beuel vermach Onquetselic soe dat die priester breckt Die hostie v lichaem blijft onbeulect Niet int vleis / mer int teyken dit breecsel stect 110[regelnummer] contrarie tpaeslam datmen te eten plach Het duijster moet wyken als coomt den dach lof verscrickelic weer onder des broots behoet Als de blinde tast die noyt en sach Soe seggic mit beuender herten o wach 115[regelnummer] lof hostie god leuende vleysch en bloet Lof bloet leuende soot doet bekin Matheus dat eerste suuer naemt v beghin Van aldersuuerste maechdelic bloit en spin bloit en vleysch oec met 120[regelnummer] Onuerscheden net dat ic v ruere Onuerscheen int broot onbegripelic sin Onuerscheen inden kelc noch meer noch min En rust in deen dan het ander hout in 125[regelnummer] met broot vleijs onbesmet Oft den kelc tbloit dit wet mer in elc al puere Lof bloit dat van v seluen sijt figuere bloit des paradys wt vyf lekende beeken 130[regelnummer] Sloetel vanden stercken hemelschen muere Sonder smette ootmoedich des sondaers gebuere Dierbaer scat daer ic erm creatuere Ga naar margenoot+met verlost bin / lof bloit onnosel ghebleken Lof lams bloit daer die posten me syn bestreken 135[regelnummer] wyn en water dat Salomon dranc seer vroet Wijn de godheit / water der menschheit ghebreken God ende mensche noch moet ic v ter eren spreken lof hostie god leuende vleys en bloit Lof broot dwelc ons hebt doen verdwijnen 140[regelnummer] Adams broot dat hy mit alle den sijnen Ga naar voetnoot140
[pagina 240]
Int sweet syns aenschijns most eten mit pijnen en lof vruchten en fruijt Tot dat Noes gheluijt versoende goods toren 145[regelnummer] O grote Noe ghi mocht wel Noe schijnen Want eer die deluuije van stercker ruijnen Ws heilichs lichaems mits cracht der disciplijnen ons suuerde ruijt Aten wy broot en cruijt Ga naar voetnoot149 150[regelnummer] mit Adam al voren Mer doer v Noe is ons tvleysch gheboren heilich paeslam present hier machtich verheuen Eerst doer die vrucht des houts waren wi verloren En nu doer tvleys int hout wy vercoren 155[regelnummer] Elc moest in sviants diluuie versmoren werde arcke ghi hebt ons behouwen dleuen Lof penninc den arbeyders in loon ghegeuen perfectheit van alle perfectien gloit Daer helle / hemel / eerde / werlt / voer beuen 160[regelnummer] Ga naar margenoot+Lof euwich lof / en soe ic heb ghescreuen lof holstie god leuende vleijsch en bloet Lof wonderlic dierbaer verborghen scat Die niet en mindert doer tconsacreren wat Van veel hostien noch oec en mindert plat 165[regelnummer] van veel nutters vrij In een wesen blyft ghij dwelc niet steruen sal Niet mindert int minste dan int meeste weet dat Ga naar voetnoot168 Noch niet mindert int meeste dan int minste vat Ga naar voetnoot169 170[regelnummer] Soe tgrootste/soe tcleynste/soe tcleynste soe tgrootste niet ba in elc een god sijdj En noch tsterckste daer bi mer een god in all
[pagina 241]
Lof vijf broijkens daer dat seer groot ghetal 175[regelnummer] van vijfdusent af nam volle pitancie Nochtans maer vijf broekens meerder was den af val Ga naar voetnoot176 Alle tbegrijpen wert om gronden te smal Die natuere vermeerde daer int ghetal mer ten muteerde forme noch substancie 180[regelnummer] Lof Tobijas spijse god / goeds monstrancie verborghen wondere ongrondighen vloet Soe van voer was slecht mijn ordinancie Segic noch suchtende dou vsancie lof hostie god leuende vleysch en bloit 185[regelnummer] Lof waerheit van Isaacs figuere plaijsant Ga naar margenoot+Die hem in roock in smaeck / tasten bedroghen vant Voer Esau Jacob hebbende mitter hant mer alleen thoren snel Dede hem segghen wel 190[regelnummer] thes Jacobs sprake Ghij syt Jacob / die mensche es Esou want Mits Esaus rock daer ghy in syt geplant Dats tbroot / en siet hier maer van Esou tverstant Esaus spijse niet el 195[regelnummer] O machtich groot opstel verborghen sake Tfaelgeerde al waert dat ons thoren ghebrake mer Jacobs stem wert ons hier af dauijs Want soe sterc en groot wel tuwen ghemake 200[regelnummer] In macht in ontfermen ende in wrake Ende niet meerder dan in bethleem sonder sprake god en mensche soe ghi hinct aent cruijs Groot coninck soe rustij in dit cleijn huijs onder ons erm sondaers hier onder die voet 205[regelnummer] Ic snoij mensche erm versteken ghespuijs Moet v noch segghen mit sinnen confuijs lof hostie god leuende vleysch en bloet Ga naar voetnoot207
[pagina 242]
Lof Cristus testament daer tduijster licht ontfinc Int auemtmael waer bleec twonderlicste dinc 210[regelnummer] Dat oijt herte of ooghe ter werelt ontfinc want Cristus doen was Ga naar margenoot+Begripelick opt pas ende gheglorificeert Lof perfect lichaem onnosen jonghelick 215[regelnummer] Vleijsch en bloet dwelc aent cruce hinck Met oec tbloet dat v in storten af ghinck dwelc ons reijn ghenas Soe Damascenus las en Scotus exponeert 220[regelnummer] Alle spyse in diese nut haer varieert Ga naar voetnoot220 mer ghi verenicht v met die v nut mit werden Lof hostie by goeds arcke ghefigureert Van gode niet gebetert noch ghecorrumpeert Vanden quaden goeds passie ghi ons formeert 225[regelnummer] Moyses volcke ons leytsman int volherden Lof fruyt dwelc wij int leste aeuerden van onser maeltyt als dinde hier tleuen doet Wilt mij dan spijsen erm sack vol erden Ende bescudden mij van des viants swerden 230[regelnummer] lof hostie god leuende vleysch en bloet Ga naar voetnoot230 V god louen wy en bekennen hier Ga naar voetnoot231 Euwich vader / deerde eert v menighertier Hemelen inghelen potestaten fier cerubin roep danck Ga naar voetnoot234 235[regelnummer] Ceraphin dryft sanck Ga naar voetnoot235 sonder oflaten Sanctus sanctas sanctus god sonder dangier
[pagina 243]
Ga naar margenoot+Apostolen propheten martelaers schier De kercke belijt v inder werlt bestier 240[regelnummer] onghemeten waer vranck Ws soons hoghe ontfanck die geest in drie maten Coninc sone deuwich vaders vol caritaten om ons verlossen inder maecht lichaem gedaelt 245[regelnummer] Doer v doot gaefdj ons den hemel te baten Ter rechter hant ws vaders als rechter in staten Ga naar voetnoot246 V knechts ghecocht mit uwen bloedighen gaten helpt en telt mitten goeden volck niet gefaelt Tallen daghen louen wy v onghesmaelt 250[regelnummer] maect ons werdich en ontfermt ons slecht ghebroet V ontfermen in die op v hoopen paelt Leuende Jesu soe ick heb voerverhaelt Ga naar voetnoot252 lof hostie god leuende vleysch en bloet Prinche JEsus prince der erden ende der locht 255[regelnummer] Adams offere / die offert en doen wort gebrocht Nochtans seluer dien offer dierbaer ghewrocht Ga naar voetnoot256 v sacrificie Af neemt punicie nu ons ghemeene 260[regelnummer] Drieuoudich pascha hier warachtich gesocht Een gomor daer die maten in worden geknocht Noyt niemant ws ghelike want ghy beuocht die malicie Als die iusticie 265[regelnummer] Ga naar margenoot+liept los alleene Ey lacen ic snoij vuijl vat onreene sondich mensche in wien veel sonden swermen Knijelende bid ic v hier met weene Hebt myns ghedencken ende te mynen scheene
[pagina 244]
270[regelnummer] Gont my v seluen doch groot broyken cleene Ga naar voetnoot270 lieue Jesu al bin ict onwerdt ochermen Doet my in uwer liefden verwermen en neemt voer danc dit cranc en simpel groet Regiert mijn leuen in v bescermen 275[regelnummer] En wilt my te wtersten noot ontfermen lof hostie god leuende vleysch en bloet	margenoot+ Fol. 337^v (cccxxx^v) voetnoot24 le (lange) s van smettich verb. uit het eerste staafje van m voetnoot27 de g van ghebacken verb. uit eene onvolm. w (?) margenoot+ Fol. 338 (cccxxxi) voetnoot36 tich van warachtich boven het woord bijgeschreven. voetnoot40 de eerste g van segghen boven het woord bijgeschreven. margenoot+ Fol. 338^v (cccxxxi^v) voetnoot53 de tweede o van bloot boven een uit een e verb. en volgeloopen o bijgeschr. voetnoot74 de eerste e van Metten verb. uit het begin eener v margenoot+ Fol. 339 (cccxxxii) voetnoot83 na waer is een doorgehaald. margenoot+ Fol. 339^v (cccxxxij^v) margenoot+ Fol. 340 (cccxxxiii) voetnoot140 le van alle later bijgeschreven, zoodat alle den een woord schijnt uit te maken voetnoot149 na en is cry doorgehaald. margenoot+ Fol. 340^v (cccxxxiii^v) voetnoot168 de eerste e van weet boven het woord bijgeschreven. voetnoot169 niet en de t van mindert boven den regel bijgeschreven. voetnoot176 de eerste e van broekens verb. uit het begin eener r margenoot+ Fol. 341 (cccxxxiiii) voetnoot207 de h van hostie verb. uit het eerste ged. van o margenoot+ Fol. 341^v (cccxxxiiii^v) voetnoot220 na diese is neemt doorgehaald. voetnoot230 boven de g van god is het begin eener d zichtbaar. voetnoot231 in marg l. te deum laudamus bijgeschreven. voetnoot234 de u van cerubin boven het woord bijgeschreven. voetnoot235 de t van drijft boven den regel bijgeschreven. margenoot+ Fol. 342 (cccxxxv) voetnoot246 de w van ws verb. uit a (?) voetnoot252 ver van voerverhaelt boven het woord bijgeschreven. voetnoot256 na nochtans is d doorgehaald. margenoot+ Fol. 342^v (cccxxxv^v) voetnoot270 na doch een weglatingsteeken en groot in marg. l. bijgeschreven.

Vorige Volgende

Reffereyne CCLII Lof hostie god leuende vleysch en bloit

Reffereyne CCLII
Lof hostie god leuende vleysch en bloit