Aen-merckinghe op het XIX beeldt.
Och hoe grooten vrede soudt ghy hebben, indien ghy de deughdt N. oeffende! over-leght dit neerstelijck.
Ga naar margenoot+BEmerckt hoe grooten vrede ghy sout genieten, ende hoe grooten eere ghy sout verkrijgen, in-dien ghy de deught oeffende gelijc [A] S. Franciscus ende andere Heyligen gheproeft hebben, want [B] de deught is altijts met [C] den vrede gevoeght, sy woont met dien t'samen in een herte, ende doet [D] den Heere Iesus daer inne rusten. Ick bidde u, siet hoe sy allegader de deught vereeren, aenghesien de groote soo wel als de kleyne besoecken de [E] hutten ende [F] graven der Heylighen, ja Godt selve eert die, ende [G] d'Enghelen oock op de wereldt, ende dese met Christus gheweerdighen hun met de heylige menschen gemeynschap te houden, om de sonderlinghe groot-achtinghe deer deughdt, ghelijck het blijckt in [H] de H. Catharina van Senen, aen de welcke den Heere sijn herte gegeven heeft. Siet hoe hooch [I] de Moeder Godts door de deughdt verheven is. Ter contrarie [K] de sonde pijnicht, ende maeckt ongerust de siele, ende berooft den mensche van alle eere, ooc in de meeste [L] ijdelheden ende genoechten der werelt.
Auteursrechtvrij
