Devote oeffeninghe op de vijf lettere van de soete ende alderheylichste namen Iesus ende Maria

O Iesvs soet, &c.
V. Usquequo Domine, Psalm. 12.

Van hoe lange suldy mijns vergeten Heere totten eynde? Hoe lange keerdy u aensicht van my?

[p. 5]

 

Hoe lange sal ick raden stellen in mijn Ziele, pijne in mijn herte daghelijcks?

 

Hoe lange sal mijn vyant verheven worden boven my? siet aen ende verhoort my Heere mijn Godt.

 

Verlicht mijn ooghen dat ick tot geenen tijde en ontslape inde doot, dat mijn vyandt nemmermeer en segghe: Ick heb hem overwonnen.

 

Die my quellen, sullen hen lieden verheugen, ist dat ick m-geworpen worde, maer ick heb in u barmherticheyt ghehoopt.

 

Mijn herte sal hem verheugen in zijnen Salichmaecker: ick sal den Heere singen, die my goede dingen gegeven heeft, ende ick sal met sanghe loven den naem van den Alderhooghsten Heere.

 

Glorie sy den Vader, etc.