Devote oeffeninghe op de vijf lettere van de soete ende alderheylichste namen Iesus ende Maria

Tot Godt den Vader.

Doet open, o Heere mijnen God mijn hert ende mijn lippen om te ghebenedijden ende te glorifuceren uwen naem die boven al is ghebenedijdt, ende suyvert mijn hert van

[p. 36]

alle quaetheden ende boose ghedachten, op dat mijne lippen u gheduerichlijck moghen loven, mijn geest u mach bepeynsen, mijn leven mach glorificeren, mijn ziele mach ghebenedijden, ende want ick alleen door uwe goetheyt tot lof ende glorie van uwen naem ben gheschapen, soo laet my altijt, so langh ick in dese sterffelijckheyt sal zijn, devotich ende u toeghedaen blijven, op dat ick in’t aensien van uwe Goddelijcke Majesteyt, u weerdichlijck mach dienen, die daer leeft ende regneert Godt in der eeuwigheydt der eeuwigheden. Amen.