De II. Bloetstortinge Christi, biddende in’t Hofken.
Ick dancke u, Heere Iesu Christe, voor dat uytghestorte heylich Bloedt, dat ghy om mijnen’t wille vergoten hebt, doen ghy waert in ’t Hofken biddende, ende sweete water ende bloedt, dat van u H. Lichaem tot op der aerden was vloeyende. Ick bidde u lieve Heere, neemt van mijn alle slappicheydt mijnder devotie, ende verhoordt mijn bermhertelijck. Wilt doch u dierbaer bloedt laten dalen op mijn, op alle mijne ouders ende vrienden, op alle geloovige zielen, die noch inde pijne des Vagheviers zijn, dat bidde ick u. op alder-goedertierenste Iesu, die met den Vader ende den H. Gheest, leeft ende regneert een waerachtich Godt, inder eeuwicheyt der eeuwicheden, Amen.
Onsen Vader, &c. Weest ghegroet, &c.
Auteursrechtvrij