Devote oeffeninghe op de vijf lettere van de soete ende alderheylichste namen Iesus ende Maria

De VII. Bloetstortinghe Christi, draghende het Cruys.

Ick dancke u, Heere Iesu Christe, voor dat uytghestorte bloedt, dat ghy om mijnen t’wille vergoten hebt, als ghy op u doorwonde schouderen dat swaere hout des cruyces droecht, ende soo dickmaels met u swack ende bloedich Lichaem ter aerde vielt. Ick bidde u, lieve Heere, gheeft my een krachtighe gratie,

[p. 108]

soo dat ick nae u mijn kruysken draghe, ende ghelijck ick hier ws kruyces, alsoo oock hier naermaels uwer vertroostinghe deelachtich werde. Wilt doch dit dierbaer Bloet laten dalen op mijn, op alle mijne ouders ende vrienden, op alle gheloovighe zielen, die noch inde pijne des Vagheviers zijn, dat bidde ick u, o alder-goedertierenste Iesu, die met den Vader ende den H. Gheest, leeft ende regneert een waerachtich God, in der eeuwicheydt der eeuwicheden, Amen.

Onsen Vader, &c. Weest ghegroet, &c.