De IX. Bloetstortinge Christi, ghestreckt aenden Cruyce.
Ick dancke u, Heer Iesu Christe, voor dat uyt ghestorte H. Bloedt, dat ghy om mijnen t’wille vergoten hebt, als ghy op den cruyce worde gheworpen, ende zeer gheweldelijck uytgerecht. Ick bidde u, lieve Heere, maeckt dat ick alle mijne lidtmaten tot uwen behagelijcken dienst strecke, ende daer inne volherde. Wilt doch dat dierbaer Bloet laten dalen op mijn, op alle mijn ouders ende vrienden, op alle gheloovighe zielen, die noch inde pijne des Vageviers zijn, dat bidde ick u, o aldergoedertierenste Iesu, die met den Vader ende den H. Gheest, leeft ende regneert een waerachtich Godt, in der eeuwicheyt der eeuwicheden, Amen.
Onsen Vader, &c. Weest ghegroet, &c.
Auteursrechtvrij