Devote oeffeninghe op de vijf lettere van de soete ende alderheylichste namen Iesus ende Maria

De XI. Bloetstortinghe Christi, die met zijne ghebenedijde voeten ghenaghelt werde aenden Cruyce.

Ick dancke u, Heere Iesu Christe, voor dat uytghestorte heylich Bloedt, dat ghy om mijnen t’wille vergoten hebt, als uwe ghebenedijde voeten, met uytstreckinghe ws gheheele pijnelijcke lichaems, ghenaghelt worden aen den cruyce. Ick bidde u lieve Heere vergheeft my mijne traecheydt in uwen dienst, ende maeckt dat ick met alle behoorlijcke affectie u altijts volghe. Wilt doch dit dierbaer Bloet laten dalen op mijn, op alle mijne ouders, ende

[p. 113]

vrienden, op alle gheloovige zielen, die noch inde pijne des Vagheviers zijn, dat bidde ick u, o alder-goedertierenste Iesu, die met den Vader ende den heyligen Gheest, leeft ende regneert een waerachtich Godt, in der eeuwicheydt der eeuwicheden, Amen.

Onsen Vader, &c. Weest ghegroet, &c.