Devote oeffeninghe op de vijf lettere van de soete ende alderheylichste namen Iesus ende Maria

Een Ghebedt. Voor die zielen int Vaghevier. Alsoo dickwils, als ghy leest dit naevolghende Ghebedt ter eeren vanden H. Doeck daer onsen Heere in begraven was, verlost ghy een Ziele uyt het Vaghevier. Sulcks is verleent door den Paus Clemens VIII. als blyckt uyt den Boeck van’t Vagevier door P. Martinus de Roa, der Societeyt Iesv uytghegheven.

Ghebedt.

O Godt die ons int heylich Cleet, in’t welc u alderheylichste lichaem, vanden Cruyce af gedaen wesende, van den H. Ioseph in gewonden is gheweest, de teeckenen uwer H. Passie hebt achter gelaten: verleent ons ghenadelick dat wy, door uwen H. doodt ende begravenisse,

[p. 201]

tot de glorie der Verrijsenisse geleyt moghen worden. Die leeft, ende regneert met Godt den Vader, in de eenigheydt des heyligen Geests, in alle eeuwen der eeuwen, Amen.