Lof-sanghen Ter eeren van de H. Maget ende Moeder Gods. Maria.
Lof-sangh diemen plach te singen in tijt van peste ofte haeftighe sieckte; in’t Latijn beginnende:
Haec est praeclarum vas.
Dese is dat uytverkoren klaerblinckende vadt van den heylghen Gheest den Vertrooster. Dese is die glorieuse stadt Gods. Dese is die Vrouwe der crachten, die welcke heeft verplet het hooft des Serpents. Dese is claerder schynende dan die Son, schoonder dan die Mane, meer blinckende als den dagheraet, in klaerheydt te boven gaende de sterren. Laet ons dan, wy sondaers, met devotie tot haer gaen, laet ons voor onse sondighe herten staen, seggende:
[pagina 336]
[p. 336]
heylighe, heylighe, heylige Maria Moeder Godts, onse genadige ende sachtmoedighe Vrouwe, wilt ons door uwe heylige gebeden, van Peste ende onversienighen doodt, ende van alle tribulatien bewaren, ende mede deelachtigh maecken der hemelscher glorie: Door Iesum Christum uwen beminden Soone onsen Heere, Amen.
Vers. In alle onse tribulatien ende benautheden.
Resp. Comt ons te hulp o aldergodvruchtichste Maget ende Moeder Godts Maria.
Auteursrechtvrij