Devote oeffeninghe op de vijf lettere van de soete ende alderheylichste namen Iesus ende Maria

Derthien merckelycke puncten.

1. Tot voortganck en voorspraeck verkiest eenen Patron,
Biecht ‘smaens zijnder eer’, hout hooch-tijt: groot is den loon.

[p. 431]

 

2. Eenen dach ter weecken vast, vry-willich en niet uyt noot,

 

Den Vrydagh is den bequaemsten, ter eeren Christi doot.

 

3. De armen en siecken, de Weduwen ende de Weesen,

 

Omtrendt de Hooch-tijden te besoecken, is seer ghepresen.

 

4. Hebt liever al te lijden, jae te sterven by noot,

 

Dan Godt te vertoornen met een sonde totter doot.

 

5. Mijdt der sonden occasien, als dodelijcke laghen,

 

Den goeden Alipius viel schielijck door ‘tpuls behaghen.

 

6. In alle teghenspoet stelt u te vreden,

 

Denckt dat Godt toelaet of doet niet sonder reden.

 

7. Een simpel ooghe draeght sonder vlecken,

 

Leerdt alle dinck ten besten trecken.

[p. 432]

 

8. Suyvert u meyninghe in al dat ghy doet,

 

Want dat den grondt is van alle goet.

 

9. Versterft u selven in al dat ghy meucht,

 

Soo sult ghy winnen de eeuwige vreucht.

 

10. Als ghy berispt wort, thoont u ootmoet,

 

Denckt luttel is mijn deucht, dit is mijn boet.

 

11. Sachtmoedich en vrolijck zijt in u zede,

 

Leert van anders deucht u verblijden mede.

 

12. Al wat u handt vermach, wilt hier in deuchden saeyen,

 

Soo sult ghy int ander Lant hier na in veelheyt maeyen.

 

13. Vernieut u propoost: stelt u uyterste voor oogen.

 

Hout u onder Godt, en zijn Stadthouder gheboghen.